Sayt test holatida ishlamoqda!
28 Fevral, 2025   |   29 Sha`bon, 1446
search icon
Avvalgi sayt
ЎЗ РУ EN AR

Toshkent shahri
Tong
05:41
Quyosh
06:59
Peshin
12:41
Asr
16:28
Shom
18:16
Xufton
19:28
Bismillah
28 Fevral, 2025, 29 Sha`bon, 1446
Avvalgi sayt
#search
 YouTube

Imom-xatib va saxovatgo'y kishilar sabab bir xonadonga xursandchilik kirmoqda

23.12.2020   1519   1 min.
Imom-xatib va saxovatgo'y kishilar sabab bir xonadonga xursandchilik kirmoqda

Dunyo – sinov va imtihon maydoni. Alloh taolo bandalarini turli yo'llar bilan sinaydi. Ana shunday sinovlardan go'zal tarzda o'tgan bandalarini jannatga kiritishini va'da qilgan.

Farg'ona viloyati bosh imom-xatibi o'rinbosari Alisher domla Naimov Furqat tumaniga bo'lgan tashrifi chog'ida ibratli bir holatga duch keldi.

25 yoshli Muhiddin Muhammadjonov II guruh nogironi, uning eshitish va gapirish imkoniyati ham cheklagan. Qolaversa, moddiy jihatdan ham ko'makka muhtoj edi. Shunday bo'lsa-da, u boriga shukr qilib, sabr-qanoat ila yashashga o'rgangan. Bu holatni Furqat tumani “Ingichka” masjidi imom-xatibi Nosirjon Alimatov hamda saxovatgo'y kishilar e'tibordan chetda qoldirmadilar. Barchalari birlashib, Muhiddinning xonadonini ta'mirlashga kirishdilar. Hozirda ta'mirlash ishlari yakuniga etib qoldi. Uyni ta'mirlab bo'lgandan so'ng Muhiddinni o'ziga munosib joydan uylantirib qo'yish harakatimiz ham bor, – deydi Nosirjon Alimatov.
Abu Hurayra roziyallohu anhudan rivoyat qilingan hadisda Rasululloh sollallohu alayhi vasallam: “Beva va miskinlarga yordam beruvchi kishi Alloh taoloning yo'lidagi mujohid kabidir”, – deya marhamat qilganlar.

Shunday ekan, biz musulmonlar bunday savobli ishlarga doimo shoshilishni va bu ishda musobaqalashishni o'zimizga lozim tutsak, ulkan ajru savobga erishamiz. Shu bilan birga, jamiyatda nochor va zaif insonlarni kamayishiga o'z hissamizni qo'shgan bo'lamiz.

 

R.Jalilov,
O'MI Farg'ona viloyati vakilligi xodimi

O'zbekiston yangiliklari
Boshqa maqolalar
Yangiliklar

"Ko‘kaldosh"ga "Islom fiqhi asoslari" kitobi hadya qilindi

25.02.2025   5049   1 min.

«Ko‘kaldosh» o‘rta maxsus islom bilim yurti Axborot-resurs markazi fondiga O‘zbekiston musulmonlari idorasi raisining birinchi o‘rinbosari Homidjon domla Ishmatbekovning «Islom fiqhi asoslari» kitobidan 50 dona hadya qilindi. 

Kitobda Islom voqeiy din ekani va barcha zamonu makonlarga mos hamda muvofiq kelishi saodat asrida sodir bo‘lgan voqea-hodisalar asosida ilmiy asoslab berilgan. Bir misol. Rasululloh sollallohu alayhi vasallam Muoz ibn Jabal roziyallohu anhuni Yamanga qozi qilib tayinlaganlarida bunday deganlar: “Agar sen biror muammoga duch kelsang, qanday hukm qilasan?” Shunda u: “Qur’ondan hukm chiqaraman”, dedi.

Rasululloh sollallohu alayhi vasallam: “Agar Qur’ondan uning hukmini topa olmasang-chi?” deb so‘radilar. “Unda Rasululloh sollallohu alayhi vasallamning sunnatlaridan hukm izlayman”, dedi. “Agar Rasulullohning sunnatlaridan ham topa olmasang-chi?” deb so‘raganlarida: “U holda aqlimga suyanib ish tutaman”, dedi. Shunda Rasululloh sollallohu alayhi vasallam Muozning yelkasiga qoqib: “Rasulullohning elchisini O‘zi rozi bo‘ladigan ishga muvaffaq qilgan Alloh taologa hamdu sanolar bo‘lsin”, dedilar.

Rasululloh sollallohu alayhi vasallamning huzurlarida yoki u kishi bo‘lmagan vaqtlarda sahobalar tomonidan bunday ijtihodlar ko‘plab sodir bo‘lgan. Shunda Rasululloh sollallohu alayhi vasallam ularning chiqargan hukmlaridan to‘g‘risini tasdiqlab, xatolarini tuzatib qo‘yar edilar. 

O‘zbekiston musulmonlari idorasi
Matbuot xizmati

MAQOLA
#logo