Shu yilning 17 dekabr kuni Hadis ilmi maktabiga O'zbekiston musulmonlari idorasi raisi o'rinbosari Inomov Ibrohim domla Maktab o'qituvchi va talabalari bilan samimiy muloqot qilish maqsadida tashrif buyurdi.

Ochiqlik va shaffoflik tamoyili ustuvorligida o'tgan uchrashuv davomida yurtimizda diniy-ma'rifiy sohaning rivojlantirish bo'yicha davlatimiz rahbari tomonidan amalga oshiridayotgan ishlar va mazkur islohatlarning zamirida islom tsivilizatsiyasi markazi bo'lgan diyorimizning olidingi mavqe'ini qayta tiklash ekanligi ta'kidlandi.

Samimiy ruhda o'tgan uchrashuvda muhtaram mehmon maktab talabalariga islom ilmlari rivojiga beqiyos hissa qo'shgan buyuk ajdoddarimizning boy ilmiy merosini chuqur o'rgatish hamda dinimiz asoslari, hadis ilmlarini mukammal o'zlashtirgan kadr bo'lib etishish uchun o'z tavsiyalarini berdi.

Jumladan, talaba ilm olishda ustozini doimo hurmat qilishi, sabrli bo'lishi, hech qachon kibrga berilmasligi, har bir jarayon bo'yicha fikr yuritishda mulohazali bo'lish lozimligi ta'kidlandi.

Hadis ilmi maktabi matbuot xizmati