Islom tsivilizatsiyasi instituti direktori Fariza Shom mamlakat Konstitutsiyasi qabul qilinganining 28 yilligi munosabati bilan O'zbekiston xalqiga o'z tabriklarini yo'lladi, xabar bermoqda «Dunyo» AA.
"Har qanday davlat hayotida Konstitutsiya davlat va jamiyatning asosiy huquqiy regulyatori sifatida oldindan belgilovchi rol' o'ynaydi, - deydi u. - O'zbekiston Respublikasi Konstitutsiyasi ham demokratiya, ijtimoiy adolat va insonparvarlik tamoyillarini ta'minlashga asos bo'lmoqda.
O'zbekistonda ta'lim tizimini tubdan isloh qilish, fan, madaniyat, san'at, adabiyot va sport sohalarini rivojlantirish, ma'naviy-ma'rifiy tadbirlar samaradorligini oshirish borasida amalga oshirilayotgan chora-tadbirlarga alohida e'tibor qaratish lozim.
Bugungi O'zbekiston hududida yashab ijod etgan Imom al-Buxoriy, Imom at-Termiziy, Abu Ali Ibn Sino, al-Horazmiy, al-Beruniy va boshqalar kabi buyuk olim va ilohiyotchilar zamonaviy ilm-fan va insoniyat tsivilizatsiyasi rivojiga ulkan hissa qo'shganini ham bilamiz. Ular malayziyaliklar orasida keng tanilgan va chuqur ehtirom etiladi.
Shu munosabat bilan Prezident Shavkat Mirziyoevning bu islohotlar orqali O'zbekistonda yangi Uyg'onish davri, ya'ni Uchinchi Renessans poydevorini yaratish mumkin, degan fikriga qo'shilmasdan ilojim yo'q".

O'zbekiston musulmonlari idorasi matbuot xizmati