Islom olamida beqiyos aqida allomasi Toha Al-Dassuqiy Al-Hubayshiy vafot etdi.
Alloma juda ham yirik olim, mashhur shayxlardan bo'lish bilan birga, o'ta kamtarin, kichikko'ngil, muruvvatli, oliyjanob inson edilar. Fazilatlari beqiyos edi.
Shayxning ko'zlari a'mo bo'lsa‑da, ilmlari ummon edi. Uylari aylanasiga to'la kitob, ko'proq shogirdlar o'qib berishadi. U kishining yozgan kitoblari juda ham ko'p. Hususan, aqida, falsafa va tasavvufga oid asarlari mashhur va o'ta daqiq. Oxirgi kitoblaridan biri «Tahoviy aqidasi»iga yozgan sharhlari edi.
2018 yilda O'zbekistonga Misr arab Respublikasidan «Al-Azhar» universiteti Aqiyda va falsafa kafedrasi mudiri ustoz alloma Toha Dassuqiy Hubayshiy tashrif buyurgan edilar.
Doktor Toho Dascuqiy Hubayshiy Imom Buxoriy, Termiziy, Imom Moturidiy kabi buyuk allomalarning yurti, xususan Imom Buxoriyning maqbarasini ziyorat qilganidan behad xursand ekanini aytib o'tgan. U kishining O'zbekistonga, bu o'lka allomalariga bo'lgan muhabbatlari o'zgacha. «O'zbekistonga qilgan safarim» degan kitob yozib, nashr qildilar. Unda yurtimizning o'tmishi va buguni haqida juda ham yaxshi gaplar, qaynoq fikrlar yozilgan. Umuman olganda, Shayx vatanimizni, xalqimizni juda ham yaxshi ko'rar, o'ta hurmat qilar edilar.
Hubayshiy hazratlarining ko'zlari ojiz bo'lsa-da, qalb ko'zlari nurli edi. Ko'rishgan kishilarini ovozidan tanib olar ekanlar.
Allohim bu sadaqai joriyalarini qiyomatga qadar Islom ummati uchun bardavom manfaatli bo'lishini nasib etsin.
Alloh taolo ulug' allomaning barcha xayrli ishlarini, solih amallarini husni qabul aylab, O'z mag'firatiga olsin, oxiratlarini obod qilsin.
Innaa lillaahi va innaa ilayhi roji'uun!
Bir insonni dunyoda (ko‘p qavatli) uy orzu qilayotganini ko‘rasan.
Agar unga ega bo‘lsa, endi uni hovli-joy orzulayotganini ko‘rasan.
Hovli joyli bo‘lsa, endi uni hashamatli qasrni orzulayotganini ko‘rasan.
Va shu tarz davom etaveradi. Ya’ni, orzu-havasning cheki yo‘q.
Lekin jannat ahli ...
Jannatda istiqomat qiluvchilar o‘zlari bo‘lib turgan sharoit, holatdan boshqasiga o‘zgarishini istamaslar.
Jannat ahli haqida Allohning ushbu so‘zi bor: “Unda mangu qoluvchidirlar va undan ko‘chishni istamaslar” (Kahf surasi, 108-oyat).
Allohim bizni jannat ahlidan qilgin!
Izoh: Jannatning darajalari o‘rtasida ulkan tafovut borligiga qaramay, u yerga kirish nasib bo‘lgan har bir inson o‘ziga ato etilgan manzilatga rozi bo‘ladi va boshqa o‘ringa ko‘chishni, o‘zgarishini aslo istamaydi.