Niger poytaxti Niameyda shu yil 27-28 noyabr' kunlari bo'lgan Islom hamkorlik tashkiloti (IHT)ga a'zo davlatlar tashqi ishlari vazirlari 47 anjumanining yakuniy sessiyasida chadlik diplomat Husayn Ibrohim Toha Islom hamkorlik tashkiloti (IHT) ning yangi Bosh kotibi etib saylandi. Shundan so'ng u qasamyod qabul qildi.

IHTga a'zo 57 davlat vakillari Husayn Tohani saudiyalik Yusuf Al-Usaymin o'rniga IHT Bosh kotibi etib sayladi. U 2021 yil 17 noyabrdan boshlab 5 yil Islom Hamkorlik Tashkilotining yangi Bosh kotibi lavozimida faoliyat yuritadi.

Ma'lumot uchun, Toha Husayn Chadning islomiy urf-odatlar keng tarqalgan “Dor vodiy” o'lkasida ulg'aygan, u hozir 69 yoshda. Husayn Toha Yaqin Sharqdagi Chad Respublikasi prezidenti Bosh kotibining o'rinbosari va Chad tashqi ishlari vaziri bo'lib ishlagan. Shuningdek, Saudiya Arabistoni podshohligida o'z mamlakatining favqulodda va muxtor elchisi, diplomatik vakili sifatida ham faoliyat olib borgan.

O'zbekiston musulmonlari idorasi
Halqaro aloqalar bo'limi