Sayt test holatida ishlamoqda!
10 Yanvar, 2025   |   10 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:24
Quyosh
07:48
Peshin
12:36
Asr
15:32
Shom
17:16
Xufton
18:35
Bismillah
10 Yanvar, 2025, 10 Rajab, 1446
Avvalgi sayt
#search
 YouTube

Buyuk Britaniyada «Sahihul Buxoriy» asari asosida xalqaro onlayn ko'rgazmasi tashkil qilindi

12.11.2020   1986   2 min.
Buyuk Britaniyada «Sahihul Buxoriy» asari asosida xalqaro onlayn ko'rgazmasi tashkil qilindi

7-11 noyabr' kunlari Buyuk Britaniyada bo'lib o'tayotgan ijtimoiy fanlar halqaro festivali doirasida O'zbekistonning Buyuk Britaniyadagi elchixonasi ko'magidagi Buyuk Britaniyaning Lester universiteti, Vazirlar Mahkamasi huzuridagi Imom Buxoriy xalqaro ilmiy-tadqiqot markazi va «Dacore IT» mas'uliyati cheklangan jamiyati tomonidan Imom Buxoriyning «Sahihul  Buxoriy» asari asosida Buxoriy — Islom san'ati xalqaro onlayn ko'rgazmasi tashkil qilindi. Bu haqda uza manbasi xabar berdi.

O'zbekistonning madaniy va tarixiy merosini targ'ib qilish, Islom dinining insonparvarlik tamoyillarini ochib berish maqsadida tashkil etilgan ko'rgazmada taniqli usta rassomlar bilan bir qatorda xalqaro ko'rgazma va festivallarda qatnashgan yoshlar o'z ijod namunalari bilan ishtirok etmoqda.

Ko'rgazma ishtirokchilari orasida taniqli miniatyurachi Davlat Toshev, kitobot san'ati illyuminatsiyalarni yoritib berish bo'yicha tajribali rassom Kamoliddin Abdullayev, yosh va iste'dodli rassomlar - xattot Sheyxa Abdullayeva, grafika bo'yicha rassom Yoqub Beknazarov va fotosuratchi Muxiddin Ali kabi taniqli ijodkorlar ham bor. Halqaro miqyosda tan olingan «So'g'diyona» milliy cholg'u-asboblari kamer orkestri ko'rgazma uchun maxsus yangi «Zikr» nomli kompozitsiya yaratdi.

Ko'rgazma uchun yaratilgan barcha san'at asarlari Sahihi Buxoriy hadislaridan ilhomlangan ijod mahsullari hisoblanadi.

- Islom ta'limoti shunchalik keng qamrovliki, uni bitta ko'rgazmada namoyish etish qiyin, – deydi Imom Buxoriy xalqaro ilmiy-tadqiqot markazi direktori Shovosil Ziyodov.

Eng muhim va birlamchi omillardan biri bu - nafaqat tashqi, balki insonning ichki holatiga ta'sir ko'rsatuvchi poklikdir. Shu sababli, ushbu ko'rgazmada namoyish etilayotgan ijodiy ishlar bizni jism, tafakkur, qalb, ruh va xayot mavzularini anglashga undaydi. E'tiborlisi, ko'rgazmada namoyish etilayotgan asarlarning tavsifi va talqini hadis orqali ifodalanadi.

G'.Hasanov

O'zbekiston yangiliklari
Boshqa maqolalar

Farzand tarbiyasiga oid 6 oyat

9.01.2025   3757   2 min.
Farzand tarbiyasiga oid 6 oyat

Luqmoni Hakim o‘z o‘g‘illariga qilgan nasihatlari Qur’oni karimda keltiriladi.


Nasihatning eng birinchisi – shikrdan qaytarish.

“Ey, o‘g‘ilcham! Allohga shirk keltirmagin! Chunki shirk ulkan zulmdir” (Luqmon surasi, 13-oyat).

Shirk eng og‘ir zulm, eng qabih jaholat va eng katta gunoh sanaladi.


Nasihatning ikkinchisi – ota-onaning haqqini ado etish.

“Agar ular (ya’ni ota-onang) seni o‘zing bilmagan narsalarni Menga sherik qilishga zo‘rlasalar, u holda ularga itoat etma! Ularga (garchi kofir bo‘lsalarda) dunyoda yaxshi muomalada bo‘lgin” (Luqmon surasi, 15-oyat).

Ota-ona hatto mushrik bo‘lsalar-da, ularga qo‘pol munosabatda bo‘lmaslik talab etiladi.


Nasihatning uchinchisi – Alloh oshkor maxfiy har bir narsa bilib turuvchi Zot.

“Ey, o‘g‘ilcham! Shubha yo‘qki, agar xantal (o‘simligining) urug‘idek (yaxshi yoki yomon amal qilinadigan) bo‘lsa, bas, u (amal) biror xarsang tosh ichida yo osmonlarda yoki yer ostida bo‘lsa, o‘shani ham Alloh keltirur. Zero, Alloh lutfli va ogoh zotdir” (Luqmon surasi, 16-oyat).


Nasihatning to‘rtinchisi – namoz, amri ma’ruf, nahyi munkar va sabr.

“Ey, o‘g‘ilcham! Namozni barkamol ado et, yaxshilikka buyur va yomonlikdan qaytar hamda o‘zingga yetgan (balolar)ga sabr qil!...” (Luqmon surasi, 17-oyat).


Nasihatning beshinchisi – ochiq yuzli, shirin so‘zli, tavoze’li bo‘lish, kibrlanmaslik.

“Odamlarga (kibrlanib) yuzingni burishtirmagin va yerda kerilib yurmagin! Chunki Alloh barcha kibrli, maqtanchoq kimsalarni suymas” (Luqmon surasi, 18-oyat).


Nasihatning oltinchisi – baqir-chaqir qilmaslik.

“(Yurganingda) o‘rtahol yurgin va ovozingni past qilgin! Chunki ovozlarning eng yoqimsizi eshaklar ovozidir” (Luqmon surasi, 19-oyat).

 

Davron NURMUHAMMAD