"Rahmon mehmonlari" dasturi: 15 davlat etakchilari umra qilishga taklif etildi (Foto+)
15 ta davlatdan 250 nafar musulmon etakchidan iborat “Rahmon mehmonlari” dasturining Umra ziyoratchilarining ikkinchi guruhi Saudiya Arabistoni Podshohligi Islom ishlari, da'vat va irshod vazirligi taklifiga binoan Madinaga etib keldi.
“IQNA”ning “Al-Ahram” nashriga tayanib xabar berishicha, “Rahmon mehmonlari” dasturida ishtirok etgan “Baytulloh” ziyoratchilarining ikkinchi va oxirgi guruhi 4 fevral' kuni Madinaga tashrif buyudi. Mazkur dastur Saudiya Arabistoni Podshohligi Islom ishlari, da'vat va irshod vazirligi tomonidan tashkil etildi.
Ushbu dasturning yakuniy mehmonlari guruhi Yevropa va Janubiy Amerika qit'alarining 15 mamlakatidan 250 ta taniqli Islom arboblari, jumladan, Bosniya va Gertsegovina, Albaniya, Kosovo, Makedoniya, Horvatiya, Sloveniya, Chernogoriya, Serbiya, Gretsiya, Bolgariya, Ruminiya, Polsha, Buyuk Britaniya, Braziliya va Argentinadan kelgan mehmonlar jamoasidan iborat bo'ldi.
Ushbu dastur mehmonlari Madinada bo'lishi davomida umra marosimlarini bajarishdan tashqari Qubo masjidini ziyorat qilish, Madinaning tarixiy va madaniy joylariga tashrif buyurishadi.
O'zbekiston musulmonlari idorasi
Matbuot xizmati
Agar bolam tuzalib ketsa...
Savol: Farzandim davolanish uchun xorijga ketgan edi. Men agar bolam tuzalib kelsa, tilla taqinchoqlarimni sadaqa qilaman, deb nazr qilgan edim. Alhamdulillah, tuzalib keldi. Sadaqa qilaman, deb tursam, qaynonam, taqinchoqlaringiz toza tilladan, uni menga soting va pulini sadaqa qilaverasiz, deb talab qilmoqda. Nima qilsam, to‘g‘ri ish qilgan bo‘laman?
Javob: Bismillahir Rohmanir Rohiym. Mazhabimizda zakot, fitr sadaqasi, ushr va nazr kabi vojib sadaqalarda, ularning qiymatini berish mumkin. Shu bois siz ham tillangizning o‘zini yoki sotib, pulini sadaqa qilsangiz ham bo‘ladi. Faqat sotishda, bozordagi narxi e’tiborga olinadi. Undan kam narxga sotish mumkin emas.
Kam narxga sotsangiz, tafovutini o‘zingizdan qo‘shib sadaqa qilishingiz lozim bo‘ladi. Masalan, tilla taqinchoqlaringiz narxi nazrni ado qilish kunlarida bozorda 10 million so‘m bo‘lsa, lekin tanishim yoki yaqin insonim deb, 8 millionga sotsangiz, yoniga 2 million qo‘shib, sadaqa qilasiz va shu bilan nazringizdan qutilasiz. Vallohu a’lam.
O‘zbekiston musulmonlari idorasi
Fatvo markazi