O`zbekiston musulmonlari idorasi

Parvardigoro, meni yerga quvg‘in qilib la’natlading, endi uyim qayer bo‘ladi?

01.12.2025 3033 2 min.

Bir hadisda keltirilibdi:

“Shayton yerga quvg‘in qilinganidan so‘ng so‘radi:

– Parvardigoro, meni yerga quvg‘in qilib la’natlading, endi uyim qayer bo‘ladi?

Yaratgan:

– Sening uying hammomdir, – dedi.

Iblis yana:

– Majlisgoh ham ber, – dedi

Parvardigor:

– Majlisgohing bozorlar va odamlar yig‘iladigan yo‘l bo‘ylari, – dedi.

Shayton yana:

– Ovqatim nima bo‘ladi? – deb so‘radi.

Parvardigor:

– Allohning ismi aytilmay yeyilgan taom, – dedi.

Shayton:

– Ichimlik ham ber, – dedi.

Alloh:

– Mast qiluvchi ichimliklarning bari sening ichadigan “suv”ingdir, – dedi.

Shayton yana:

– Mening ham muazzinim bo‘ladimi? – deb so‘radi.

Yaratgan:

Seni muazzining cholg‘u asboblari, – dedi.

Shayton:

– Kitobimchi? – dedi.

Parvardigor:

– Sening kitobing she’ru qo‘shiqlar, – dedi.

Shayton:

– Yozuvim-chi? – deb so‘radi.

Parvardigor:

– Sening yozuving vashm (igna bilan badanga yozish), – dedi.

Shayton:

– Menga kalom ham berasanmi? – deb so‘radi.

Parvardigor:

– Barcha yolg‘onlar sening kaloming bo‘ladi, – dedi.

Shayton:

– Meni elchilarim ham bo‘ladimi? – deb so‘radi.

Alloh:

– Folbinu bashoratchilar sening elchilaring – dedi.

Iblis:

– Menga ilintiradigan tuzoq ham ber, – deb so‘radi.

Alloh:

– Ayollar seni tuzog‘ing bo‘ladi – deb javob berdi” (Abu Umomadan rivoyat qilingan, Tabaroniy rivoyati).

“Axloqus solihiyn” (Yaxshilar axloqi) kitobidan
Yo‘ldosh Eshbek, Davron Nurmuhammad
tarjimasi.

02 Dekabr, 2025, 11 Jumadul soni, 1447

Avvalgi sayt

Muftiy Usmonxon Alimov hazratlari dunyodagi eng nufuzli 500 musulmon ro'yxatidan o'rin oldi

MА`LUMOTNI IJTIMOIY TАRMOQLАRDА ULАSHING

Parvardigoro, meni yerga quvg‘in qilib la’natlading, endi uyim qayer bo‘ladi?

MА`LUMOTNI IJTIMOIY TАRMOQLАRDА ULАSHING