Halqimizga yana bir yangi masjid muborak bo'lsin!
Kecha, 16 oktyabr' kuni Surxondaryo viloyati Muzrabot tumani “Halq yo'li” mahallasi hududidagi “Sayyid Habibulloxon” masjidi rasmiy ochilish marosimi bo'lib o'tdi.
Tadbirda viloyat Adliya boshqarmasi vakillari jome xodimlariga masjidning davlat ro'yxatidan o'tganligi to'g'risidagi guvohnomani topshirdi. Shundan so'ng namozxonlar ushbu jomeda ilk juma namozini ado etishdi.
Ma'lumot uchun, ushbu jome bilan Respublikamizdagi masjidlar soni 2077 ta, Surxondaryo viloyatida esa 116 taga etdi.
Alloh taolo ushbu masjidni xalqimizga, xususan, “Halq yo'li” mahallasi ahliga muborak qilsin. Yurtimizda masjidlar ochilishiga hissa qo'shayotgan insonlardan Haq taolo rozi bo'lsin, bunday xayrli ishlarni bardavom aylasin!
O'zbekiston musulmonlari idorasi Masjidlar bo'limi
Akademiya rektori «Do‘stlik», Islom sivilizatsiyasi markazi direktori «Fidokorona xizmatlari uchun», akademiya professori «Imom Buxoriy» ordenlari va «Ziyo» media markazi rahbari «Shuhrat» medali bilan taqdirlandilar
O‘zbekiston Respublikasi Prezidentining farmoniga muvofiq, O‘zbekiston Respublikasi davlat mustaqilligining o‘ttiz besh yilligi munosabati bilan turli sohalar vakillari faxriy unvonlar, ordenlar va medallar bilan mukofotlandilar.
Xususan, O‘zbekiston Respublikasi Prezidentining diniy-ma’rifiy masalalar bo‘yicha maslahatchisi, O‘zbekiston xalqaro islomshunoslik akademiyasi rektori Kamilov Muzaffar Muratovich "Do‘stlik" ordeni bilan, O‘zbekistondagi Islom sivilizatsiyasi markazi direktori Abduxalikov Firdavs Fridunovich «Fidokorona xizmatlari uchun» ordeni bilan, mazkur akademiyaning "Arab tili va adabiyoti al-Azhar" kafedrasi professori Islomov Zohidjon Mahmudovich «Imom Buxoriy» ordeni bilan va akademiya huzuridagi "Ziyo" media markazi direktori Muxtarov Abduxamid Abduaxatovich "Shuhrat" medali bilan taqdirlandilar.
O‘zbekiston musulmonlari idorasi jamoasi doimiy hamkor tashkilotlarimiz rahbarlari va ustozlarni mazkur yuksak mukofotlar bilan muborakbod etib, Alloh taolodan mamlakatimiz taraqqiyoti, xalqimiz farovonligi va muborak dinimiz rivoji yo‘lidagi faoliyatlarida yangidan-yangi muvaffaqiyatlar tilaymiz.
O‘zbekiston musulmonlari idorasi Matbuot xizmati
