HAMDARDLIK BILDIRAMIZ
O'zbekiston musulmonlari idorasi jamoasi diniy sohada ko'p yillar samarali xizmat qilgan, jonkuyar ulamo, Qashqadaryo viloyati Yakkabog' tumani bosh imomi hamda "Eski Qo'rg'on" jome masjidi imom-xatibi Tohir domla Ismatillayevning vafoti munosabati bilan chuqur ta'ziya izhor etadi.
Haq taolo marhumning farzandu arjumandlari va barcha yaqinlariga go'zal sabr bersin.
Yaratgan oxiratlarini obod qilsin!
Innaa lillaahi va innaa ilayhi roji'uun!
Bayram shukuhi xonadonlarga kirib boryapti
Eng ulug‘, eng aziz bayram – Mustaqillik shodiyonalariga sanoqli kunlar qoldi. Ayyom arafasida kam ta’minlangan, boquvchisini yo‘qotgan, o‘zgalar ko‘magiga muhtoj bemorlar, keksalar holidan xabar olinib, ularga bayram tuhfalari yetkazib berilyapti.
Bugun Toshkent shahar bosh imom-xatibi Abduqahhor domla Yunusov boshchiliklarida imom-domlalar, homiylar poytaxtimizning Olmazor tumanidagi "Islomobod" masjidida yig‘ilib, ehtiyojmand oilalar holidan xabar olishdi.
«Vaqf» xayriya jamoat fondi Toshkent shahar filiali hamda homiylar ko‘magida tayyorlangan oziq-ovqatlar jamlanmasi, shirinliklardan iborat ehsonlar bilan xonadonlarga kirib borildi.
Ko‘ngli o‘ksik insonlar bayram tuhfalarini olib, aziz yurtimizda hech kim mehr va e’tibordan chetda emasligiga yana bir karra amin bo‘lishdi.
Alloh taolo ehsonlarni qabul qilsin. Savoblarini ko‘paytirib bersin!
Toshkent shahar vakilligi
Matbuot xizmati
