Mamlakatimiz mustaqilligining 29 yilligi arafasida mamlakatlarimiz milliy nashrlari “Yangi O'zbekiston” va “Pravda Vostoka” gazetalarida chop etilgan O'zbekiston tashqi ishlar vaziri Abdulaziz Komilov bilan interv'yu etakchi arab ommaviy axborot vositalarida katta qiziqish uyg'otdi, deb xabar bermoqda “Dunyo” AA muxbiri.
Hususan, Misrning “Al-Hasod al-arabiy” va “Al-Diplomasi” gazetalari o'z sahifalarida tashqi siyosat idorasi rahbari interv'yusining arab mamlakatlari bilan O'zbekiston o'rtasidagi ko'p qirrali hamkorlikka bag'ishlangan jihatlariga alohida e'tibor qaratdi.
“Al-Hasod al-arabiy” gazetasi o'z maqolasida arab davlatlari bilan O'zbekistonning ko'p qirrali hamkorligiga to'xtalar ekan, mamlakatlarimizni o'zaro ishonch va do'stlikka asoslangan tarixiy va madaniy aloqalar bog'lab turishini qayd etdi.
O'zbekiston Prezidenti Shavkat Mirziyoevning 2017 yil may oyida Saudiya Arabistoniga, 2019 yil mart oyida BAAga tashriflarini, 2018 yil sentyabr' oyida esa Misr Prezidenti Abdulfattoh as-Sisining O'zbekistonga tashrifi alohida ta'kidlanadi.
Prezident Abdulfattoh as-Sisining mamlakatimizga tashrifi davomida hukumatlarimiz o'rtasida 4 ta bitim, vazirlik va idoralar o'rtasida hamkorlik bo'yicha qator bitim va o'zaro anglashuv memorandumlari imzolangani yuqori baholangan.
Misrning “Al-Diplomasi” gazetasi 2017-2020 yillarda O'zbekiston Tashqi ishlar vazirligi bilan Misr, Saudiya Arabistoni, Kuvayt, BAA, Marokash, Iordaniya kabi arab davlatlari Tashqi ishlar vazirliklari o'rtasida siyosiy maslahatlashuvlar o'tkazilganiga e'tibor qaratib, ushbu tadbirlar mamlakatlarimiz munosabatlarini rivojlantirish va turli sohalarda o'zaro manfaatli hamkorlikni kengaytirishda qulay imkoniyat yaratganini qayd etadi.
Maqolalarda ta'kidlanishicha, bugungi kunda O'zbekiston bilan arab davlatlari o'rtasidagi investitsiya sohasidagi hamkorlik doirasida 1,6 milliard dollar qiymatdagi 60 dan ziyod loyiha amalga oshirilayotgani yangi marralar mavjudligining tasdig'idir.
Misrlik nashrlar O'zbekiston tashqi ishlar idorasi rahbarining Misr Arab Respublikasi bilan ikki tomonlama hamkorlikni yanada rivojlantirish haqidagi fikrlarini yuqori baholamoqda.
Jumladan, «Al-jurnal al-arabiy» umumarab jurnalida e'lon qilingan «O'zbekiston tashqi ishlar vaziri: Misr bilan aloqalar turli sohalardagi o'zaro manfaatli munosabatlarga asoslangan» sarlavhali maqolada Misr bilan O'zbekiston o'rtasidagi ko'p qirrali hamkorlik istiqbollariga katta e'tibor qaratildi.
«Al-axbar al-masai» gazetasi esa «Yashasin O'zbekiston – Misr do'stligi: O'zbekiston tashqi ishlar vaziri turli sohalardagi o'zaro manfaatli munosabatlarga asoslangan Misr bilan aloqalarni ta'kidladi» sarlavhali maqolani o'z o'quvchilari e'tiboriga havola qildi.
Mazkur maqolada ham O'zbekistonning Misr va boshqa arab davlatlari bilan hamkorlikni rivojlantirish borasida olib borayotgan tashqi siyosati masalalari qayd etiladi. Hususan, Misr Prezidenti Abdulfattoh as-Sisining 2018 yil sentyabr' oyida O'zbekistonga tashrifi yakunlari va unda erishilgan ikki va ko'p tomonlama hamkorlik bo'yicha kelishuvlar ijrosi yuzasidan so'z yuritiladi.
Shuningdek, 2019 yil O'zbekiston va Misr vazirliklari va idoralari delegatsiyalari tomonidan amalga oshirilgan 40 dan ziyod o'zaro tashriflar aloqalar mustahkamlanayotganiga yaqqol dalil ekani qayd etilgan.

O'zbekiston musulmonlari idorasi matbuot xizmati