MDH Davlat rahbarlari kengashining shu yil 13 oktyabr' kungi yig'ilishida Samarqand shahrini 2024-yilda Hamdo'stlikning madaniy poytaxti deb e'lon qilish to'g'risida qaror qabul qilindi. Bu haqda mynamaz.ru xabar bermoqda.

MDH Ijroiya qo'mitasi matbuot xizmati xabariga ko'ra, Hamdo'stlikka a'zo davlatlar hukumatlariga dastur tadbirlarida o'z davlatlari vakillarining ishtirokini tashkil etishda yordam ko'rsatish topshirildi.

Davlat rahbarlari, Gumanitar hamkorlik bo'yicha davlatlararo jamg'arma, MDHga a'zo davlatlarning madaniy hamkorlik kengashi, hamkorlikning boshqa manfaatdor soha organlari va Hamdo'stlik ijroiya qo'mitasiga Samarqand shahrida madaniy tadbirlarni qo'llab-quvvatlash imkoniyatlarini ko'rib chiqishni topshirdi.

Ma'lumot uchun, Samarqand dunyodagi eng qadimiy shaharlardan biri bo'lib, 1924 yilda Sovet O'zbekistonining birinchi poytaxti bo'lgan, respublikada uchinchi yirik shahar (2023-yil 1 yanvar holatiga ko'ra shaharda 573,2 ming kishi ro'yxatga olingan).

Bugungi kunda Samarqandda 14 ta arxeologik yodgorlik, 410 ta me'moriy yodgorlik, 23 ta diqqatga sazovor joy, 36 ta yodgorlik, jami 483 ta moddiy-madaniy meros ob'ektlari mavjud. Tarixiy binolarning aksariyati Samarqand temuriylar saltanatining poytaxti bo'lgan 15-17-asrlarga to'g'ri keladi.
2001 yilda Samarqand shahrining tarixiy qismi “Samarqand – madaniyatlar chorrahasi” nomi bilan YuNYeSKOning Jahon merosi ro'yxatiga kiritilgan.

O'zbekiston musulmonlari idorasi
Matbuot xizmati