Qadr kechasida qanday amallarni bajarish kerak?
1. Qur'oni karim tilovati bilan mashg'ul bo'lish.
2. Nafl namozlarni ado etish.
Alloh taolo hadisi qudsiyda aytadi: “...Bandam Menga nafl ibodatlar bilan yaqinlashib kelaveradi, hatto Men uni yaxshi ko'raman...” (Imom Buxoriy, Imom Ahmad va Ibn Hibbon rivoyati).
3. Allohni ko'p zikr qilish.
“Subhaanallohi valhamdulillahi va laa ilaha illallohu vallohu akbar va laa havla va laa quvvata illa billahil 'aliyyil 'aziym”.
4. Ota-ona, ahli-oila, yaqinlar va jamiki musulmon ummatining haqqiga duo qilish.
“Robbanag'fir liy va li vaalidayya va lilmuminiyna yavma yaquumul hisaab”.
Ma'nosi: “Robbimiz! Hisob-kitob qilinadigan (qiyomat) kuni meni, ota-onamni va (barcha) mo'minlarni mag'firat qilgin!”(Ibrohim surasi, 41-oyat).
Rasululloh sollallohu alayhi vasallam aytadilar: «Musulmon kishining birodari haqqiga qilgan g'oyibona duosi ijobat qilinuvchidir. Qachon birodariga yaxshilik tilab duo qilsa, farishta: “Omiyn, senga ham o'shancha bo'lsin”, deydi» (Imom Muslim rivoyati).
5. Ushbu duoni ko'p qilish.
“Allohumma innaka afuvvun, tuhibbul afva, fa'fu 'anniy”.
Ma'nosi: “Allohim, Sen afv qiluvchisan, afv qilishni yaxshi ko'rasan, meni afv qil (kechir)gin”.
Olimlardan biri aytadi: “Vaqt oz, ammo Allohdan so'raydigan so'rovlaring ko'p bo'lsa Allohdan avf qilishini so'ra. Agar Alloh seni avf qilsa, barcha hojat va istaklaring so'ramasang ham oldinga keladi”.
6. Rasululloh sollallohu alayhi vasallamga salavot aytish.
“Allohumma solli va sallim 'alaa Muhammadin va 'alaa aali Muhammad”.
7. Imkoniyat darajasida miskin-faqirlarga sadaqa berish.
Rasululloh sollallohu alayhi vasallam: “Sadaqa Allohning g'azabini o'chiradi”, deganlar (Imom Termiziy rivoyati).
8. Istig'for aytish.
“Astag'firullohal a'ziym allaziy laa ilaha illaa huval Hayyul Qoyyum va atuubu ilayhi”.
9. Allohdan ibodatlarni qabul qilishini so'rash.“Robbana taqobbal minna innaka antas samiy'ul a'liym va tub a'layna yaa Mavlaanaa innaka antat tavvaabur rohiym. Robbanaa aatinaa fiddunya hasanatan va fil axiroti hasanatan va qinaa azaabannaar. Allohumma a'innaa a'laa zikrika va shukrika va husni ibaadatik”
Davron NURMUHAMMAD
Bugun Sirdaryoda imomlar o‘rtasida “Zakovat” turniri o‘tkazildi
O‘zbekiston Respublikasi davlat mustaqilligining 35 yilligi munosabati bilan Sirdaryo viloyatida faoliyat yuritayotgan imom-xatib va imom-noiblar o‘rtasida “Qur’on tinchlikka buyuradi” shiori ostida “Zakovat” intellektual musobaqasi o‘tkazildi.
Bellashuvdan ko‘zlangan asosiy maqsad — diniy soha xodimlarining ilmiy-ma’rifiy va huquqiy bilimlarini mustahkamlash, ular o‘rtasida o‘zaro hamjihatlikni yanada oshirishdan iborat.
Musobaqada shahar va tumanlardan jamlangan jamoalar Qur’oni karim, hadisi shariflar, islom tarixi, milliy qadriyatlar va mamlakatimiz qonunchiligiga oid savollar bo‘yicha o‘z bilim va tezkor fikrlash qobiliyatlarini namoyon etdilar.
Yakuniy natijalarga ko‘ra:
1-o‘rin — “Tafakkur” jamoasi
2-o‘rin — “Ittifoq” jamoasi
3-o‘rin — “Hikmat” jamoasi
G‘oliblar O‘zbekiston musulmonlari idorasi Sirdaryo viloyati vakilligining maxsus diplom va esdalik sovg‘alari bilan taqdirlandi.
Sirdaryo viloyati vakilligi
Matbuot xizmati
