Sayt test holatida ishlamoqda!
15 Iyul, 2025   |   20 Muharram, 1447

Toshkent shahri
Tong
03:22
Quyosh
05:03
Peshin
12:34
Asr
17:40
Shom
19:59
Xufton
21:32
Bismillah
15 Iyul, 2025, 20 Muharram, 1447

Tavof qilish uchun golf mashinasi ishga tushirildi

05.04.2024   2126   1 min.
Tavof qilish uchun golf mashinasi ishga tushirildi

Saudiya Arabistoni Podshohligi Makka shahridagi “Masjidul Harom”ning yuqori qavatida keksalar va ehtiyojmand ziyoratchilarga xizmat ko'rsatadigan “aqlli” golf mashinasi ishga tushirildi. “Saudi Gazette”ning Ikki Muqaddas masjid ishlari bo'yicha bosh boshqarmasiga tayanib xabar berishicha, golf aravasidan tavof qilish (Muqaddas Ka'ba atrofida aylanib o'tish) mumkin.

Departamentning ta'kidlashicha, ehtiyojmand ziyoratchilar golf aravalari joylashgan joyga “Ajad” eskalatorlari va “Qirol Abdulaziz” darvozasidagi liftlar orqali borishlari mumkin. Golf mashinasi ish vaqti 12 soat ya'ni har kuni 16:00 dan 4:00 gacha.

Qayd etilishicha, xizmat faqat tavof qilish uchun ko'rsatiladi va uning narxi bir kishi uchun qo'shilgan qiymat solig'i bilan 25 saudiya riyolini tashkil etadi. Hozirda ziyoratchilar tavof qilishi uchun 50 ta golf mashinalari mavjud, ularning har biri 10 yo'lovchiga mo'ljallangan.

O'zbekiston musulmonlari idorasi Matbuot xizmati

 

 

 

 

Dunyo yangiliklari
Boshqa maqolalar

Ayol kishi eriga iqtido qilib namoz o‘qisa bo‘ladimi?

14.07.2025   1009   1 min.
Ayol kishi eriga iqtido qilib namoz o‘qisa bo‘ladimi?

Bismillahir Rohmanir Rohiym

Savol: Ayol kishi uyida eriga iqtido qilib namoz o‘qisa bo‘ladimi? Agar joiz bo‘lsa, ayol qayerda turadi?

Javob: Bismillahir Rohmanir Rohiym. Ha, ayollar uyda erlari yoki boshqa erkak mahramlariga iqtido qilgan holda jamoat bo‘lib namoz o‘qishlari joiz bo‘ladi. Bu borada alloma Alouddin Kosoniy rahimahulloh bunday zikr qiladilar:

“Agar imom bilan bir ayol namoz o‘qimoqchi bo‘lsa, uning orqasida turadi. Chunki ayolni erkak bilan bir safda yonma-yon turishi erkakning namozini buzadi. Agar imomdan tashqari bir erkak va bir ayol bo‘lsa, erkak imomning o‘ng tomoniga va ayol esa, orqasida turadi. Agar imomdan tashqari ikki erkak va bitta ayol bo‘lsa, ikki erkak imomning orqasida va bitta ayol ularning orqasida turadi. Agar erkaklar va ayollar hamda yosh o‘g‘il va qiz bolalar jamoat bo‘lib namoz o‘qimoqchi bo‘lsalar, u holda imomning orqasida dastlab balog‘atga yetgan erkaklar turadi. So‘ng balog‘atga yetmagan yosh o‘g‘il bolalar, so‘ng balog‘atga yetgan ayollar, so‘ng yosh qizlar turadilar” (“Badoyeus-sanoye’” kitobi). Vallohu a’lam.

 

O‘zbekiston musulmonlari idorasi
Fatvo markazi