Sayt test holatida ishlamoqda!
10 Yanvar, 2025   |   10 Rajab, 1446

Toshkent shahri
Tong
06:24
Quyosh
07:48
Peshin
12:36
Asr
15:32
Shom
17:16
Xufton
18:35
Bismillah
10 Yanvar, 2025, 10 Rajab, 1446

Abu Ali ibn Sino – O‘zbekiston g‘ururi va umumjahon merosi

18.08.2020   2437   2 min.
Abu Ali ibn Sino – O‘zbekiston g‘ururi va umumjahon merosi

Pandemiya bilan bog‘liq murakkab sharoitga qaramasdan dunyo hamjamiyati tibbiyot, ilm-fan rivojiga munosib hissa qo‘shgan buyuk olim Abu Ali ibn Sino tavalludining 1040 yilligini keng nishonlayapti. Bu haqda “Dunyo” AA manbasiga asoslanib xs.uz sayti xabar bermoqda.

16 avgust kuni Ibn Sino jamoat fondi “UzReport” telekanali bilan hamkorlikda Ibn Sinoning insoniyatga qoldirgan boy merosini chuqur o‘rganish, chet elda keng targ‘ib qilish maqsadida tabib, olim va faylasuf Abu Ali ibn Sino tavalludiga bag‘ishlangan “Abu Ali ibn Sino – O‘zbekiston g‘ururi va umumjahon merosi” mavzusida xalqaro ilmiy-ma’rifiy videokonferensiya o‘tkazdi.

Unda Oliy Majlisi Qonunchilik palatasi deputatlari, Yoshlar ishlari bo‘yicha agentligi, O‘zbekiston tarixi davlat muzeyi, Oliy ta’lim muassasalari, Toshkent shahridagi Vestminster universiteti vakillari, Germaniya, Belgiya, Fransiya, Isroil, Turkiya, Hindistondan yetakchi mutaxassis va ekspertlar ishtirok etdi. Shuningdek, onlayn anjumanda 17 ta ilmiy ma’ruzachi, xususan, 6 ta xorijiy ma’ruzachi qatnashdi.

Ibn Sino akademiyasi prezidenti, professor Said Zillur Rahmon (Xindiston), Ibn Sino xalqaro fondi prezidenti, professor Mixael Sach (Isroil), Avitsenna assotsiatsiyasi prezidenti, professor Mark Bonnel (Fransiya), Ta’lim bo‘yicha YUNESKO a’zosi, hakam, professor Amina Atxer, tibbiyot fanlari nomzodi Abdukarim Usmonxo‘jayev Ibn Sino jamoat fondi maslahatchisi, professor Jasur Rizayev va boshqalar Abu Ali ibn Sino merosining zamonaviy tibbiyot uchun dolzarbligini qayd etib, uning fan va zamon ehtiyojlariga moslashish kerakligini ta’kidlashdi.

Xalqaro videokonferensiya yakunida uning dolzarbligi, ilmiy-madaniy va siyosiy ahamiyati, Ibn Sino ko‘p qirrali ilmiy merosini o‘rganish uchun davlat tomonidan qo‘llab-quvvatlanishi hamda tadqiqot faoliyatini moliyalashtirish zarurligi, publitsistik va ilmiy asarlar nashrini faollashtirish bo‘yicha zarur takliflarni ishlab chiqishga kelishildi.

Ta’kidlash joiz, Ibn Sino tavalludining 1040 yilligiga bag‘ishlangan tadbirga tayyorgarlik ko‘rish doirasida o‘zbek, rus va ingliz tillarida tematik videoroliklar tayyorlandi.

Xalqaro videokonferensiya doirasida “Ibn Sino” jamoat fondi, “UzReport” telekanali va Toshkent davlat sharqshunoslik universiteti o‘rtasida hamkorlik memorandumlari imzolandi.

O‘zbekiston musulmonlari idorasi Matbuot xizmati

Maqolalar
Boshqa maqolalar

Bu mo‘jizani kim inkor qila oladi?

10.01.2025   983   1 min.
Bu mo‘jizani kim inkor qila oladi?

 Bilasizmi? Silikat moddasiga boy bo‘lgan tuproqqa dafn qilingan insonning skeleti vaqt o‘tishi bilan tosh va xarsangga aylanadi.
 Agar u piri‌t (temir sulfidi) moddasiga boy mintaqaga dafn qilinsa, unday jasad temir haykalga aylanib qolishi mumkin!

Bu ilmiy haqiqat yaqinda aniqlangan bo‘lsa-da, Qur’onda bu haqida 1445 yil oldin hayratlanarli tarzda juda aniqlik bilan bayon etilgan. Qur’onda bunday deyilgan:

وَقَالُوا أَإِذَا كُنَّا عِظَامًا وَرُفَاتًا أَإِنَّا لَمَبْعُوثُونَ خَلْقًا جَدِيدًا

"Ular: “Biz suyaklarga  va chang- tuproqlarga aylanib ketganimizdan keyin ham, yangitdan tiriltirilamizmi?” dedilar. “Sen ularga, toshga yoki temirga aylaninglar”, deb ayt"
(Isro surasi, 50-oyat).

Bu oyat yaqin yillarda kashf etilgan — suyaklari toshga aylangan yoki temir haykalga aylangan qazilmalarga ochiq va ravshan ishora qilmoqda. Go‘yoki Qur’onda xabar berilgan ushbu dalillar olimlar kashf qilishlarini uzoq asrlardan beri kutib yotgandek.

Shunday ekan, aqlli inson bunday ochiq-oydin va ravshan mo‘jizani qanday inkor qila oladi? Qur’onning bu mo‘jizasi kunduzdagi quyoshdek ravshan emasmi?

Homidjon domla ISHMATBЕKOV