Malayziyadan Toshkentga haftasiga ikki marta havo qatnovlarini amalga oshirish boshlandi
Malayziyaning “Batik Air” aviakompaniyasi kechadan e'tiboran Kuala-Lumpur–Toshkent–Kuala-Lumpur yo'nalishida haftasiga ikki marotaba muntazam havo qatnovlarini yo'lga qo'ydi, deb xabar qilmoqda "Dunyo" AA muxbiri.
Parvozlar “Boeing 737 max 8” va keng fyuzelyajli "Airbus A330" rusumli samolyotlarda dushanba va juma kunlari amalga oshiriladi.
Shuningdek, Toshkent va Kuala-Lumpur o'rtasidagi parvozlar "Uzbekistan Airways" tomonidan ham haftasiga 2 marta amalga oshirib kelinmoqda.
Mutaxassislarning fikricha, ikki mamlakat o'rtasida aviaqatnovlar sonining ko'payishi ishbilarmon doira vakillari o'rtasidagi aloqalarni faollashtirish va sayyohlar oqimini yanada ko'paytirishga xizmat qiladi.
Eslatib o'tamiz, Malayziyaning etakchi aviatashuvchilarining respublikamizga parvozlarini tashkil etish, ziyorat turizmi salohiyatini keng targ'ib qilish va malayziyalik sayyohlar oqimini ko'paytirish maqsadida O'zbekistonning Kuala-Lumpurdagi elchixonasi ko'magida mamlakatimiz fuqaro aviatsiyasi ma'muriyati va "Batik Air Malaysia" kompaniyasi rahbariyati o'rtasida qator muzokara va maslahatlashuvlar tashkil etilgan edi. Malayziya aviakompaniyasining O'zbekistonga ilk aviaqatnovi 2023 yil 15 dekabr' kuni yo'lga qo'yilgan edi.
"Batik Air Malaysia" ("Malindo Airways Sdn Bhd") 2012 yilda Malayziya va Indoneziya o'rtasidagi hamkorlik doirasida tashkil etilgan. Bosh qarorgohi Petalingjayada joylashgan. Hozirda kompaniya Osiyo qit'asining 50 dan ortiq yo'nalishiga, jumladan Avstraliya, Bangladesh, Janubiy Koreya, Indoneziya, Pokiston, Singapur, Tailand, Hitoy, Yaponiya, Hindistonga reyslarni amalga oshiradi.
O'zbekiston musulmonlari idorasi
Matbuot xizmati
Namozim buzildimi?
Savol: Masjiddagi jamoatda ba’zan oldingi safdagi odamning kiyimi kalta bo‘lgani uchun sajdada orqasi qisman ochilib qoladi va bexosdan unga ko‘zimiz tushib qoladi. Shu holatda tahorat yoki namozimiz buzilmaydimi?
Javob: Bismillahir Rohmanir Rohiym. Ulamolar tahorat va namozni buzuvchi omillarni birma-bir sanaganlar. Ular ichida birovning avratiga ko‘z tushib qolish sababli buziladi, degan gap yo‘q. Birovning, xoh ayolning, xoh erkakning avratiga qarash sababli bavl yoki biror suyuqlik chiqmasa, tahorat sinmaydi. Ammo bu degani qarash, nazar solish mumkin ekan, deb tushunmaslik kerak. Chunki bunday ishlar aslo mumkin emas.
Bir narsani yodda tutish lozimki, namoz o‘qish uchun tayyorlanayotgan inson namoz o‘qish asnosida avratlari ochilib qolmasligining chorasini ko‘rishi kerak bo‘ladi. Chunki bir rukn (farz amali) miqdoricha avratining to‘rtdan biri ochilib tursa, uning namozi buziladi. Vallohu a’lam.
O‘zbekiston musulmonlari idorasi
Fatvo markazi