Shayton sizni mag'lub etmasin!
Hasan Basriy roziyallohu anhu aytadilar: "Yo'lda, dasturxon atrofida, bozorda yurganingizda, qayerda bo'lmang istig'forni ko'p aytishni odat qiling. Chukni Allohning mag'firati qayerda nozil bo'lishini bilmaysiz".
Shunda Hasan Basriy rahimahullohdan so'rashdi: "Biz Robbimizga istig'for aytamiz. Lekin yana gunoh qilaveramiz. Istig'for aytganidan so'ng, yana gunohga qaytsa, so'ngra yana istig'for aytib keyin yana gunohga qaytishdan banda Robbisidan hayo qilmaydimi?".
Hasan Basriy javob berdilar: "Shayton mana shu borada sizni mag'lub etishni istaydi. Hech qachon istig'for aytishdan to'xtamanglar!".
Qisqa istifg'or kalimalari:
أَسْتَغْفِرُ اللهَ
O'qilishi: “Astag'firulloh”.
أَسْتَغْفِرُ اللهَ وَأَتُوبُ
O'qilishi: “Astag'firulloha va atuubu ilayh”.
أَستغفِرُ اللهَ الَّذي لا إلَهَ إلَّا هو الحيُّ القيُّومُ وأَتوبُ إليه
O'qilishi: “Astag'firullohallaziy laa ilaaha illaa huval hayyul qayyum va atuubu ilayhi”.
رَبِّ اغْفِرْ لِي وَتُبْ عَلَيَّ إِنَّكَ أَنْتَ التَّوَّابُ الرَّحِيمُ
O'qilishi: “Robbig'fir liy va tub 'alayya innaka antat tavvaabur rohiym”.
سُبْحَانَكَ وَبِحَمْدِكَ أَسْتَغْفِرُكَ وَأَتُوبُ إِلَيْكَ
O'qilishi: “Subhaanaka va bihamdika astag'firuka va atuubu ilayk”.
سُبْحَانَكَ اللَّهُمَّ وَبِحَمْدِكَ أَشْهَدُ أَنْ لاَ إِلَهَ إِلاَّ أَنْتَ أَسْتَغْفِرُكَ وَأَتُوبُ إِلَيْكَ
O'qilishi: “Subhaanakallohumma va bihamdika ashhadu allaa ilaaha illaa anta astag'firuka va atuubu ilayk”.
اللَّهُمَّ إِنَّكَ عُفُوٌّ كَرِيمٌ تُحِبُّ الْعَفْوَ فَاعْفُ عَنِّي
O'qilishi: “Allohumma innaka afuvvun kariymun tuhibbul afva fa'fu 'anniy”.
أَللَّهُمَّ مَغْفِرَتُكَ أَوْسَعُ مِنْ ذُنُوبِي وَرَحْمَتُكَ أَرْجَى عِنْدِي مِنْ عَمَلِي
O'qilishi: “Allohumma mag'firotuka avsa'u min zunuubiy va rohmatuka arjaa 'indiy min 'amaliy”.
أسْتغفرالله ربي من كلّ ذنبٍ وأتوبُ إليه
O'qilishi: “Astag'firulloha Robbiy min kulli zanbin va atuubu ilayh”.
Davron NURMUHAMMAD
Buxoroda diniy soha xodimlariga yuksak e’tirom ko‘rsatildi
Vatanimiz mustaqilligining 35 yillik bayrami arafasida Buxoro viloyatida jamiyatda milliy-diniy qadriyatlarni mustahkamlash, el-yurt ma’naviyati va osoyishtaligini ta’minlash yo‘lida fidokorona mehnat qilayotgan diniy-ma’rifiy soha xodimlarini taqdirlashga bag‘ishlangan tantanali tadbirlar bo‘lib o‘tdi.
Davlatimiz rahbarining tegishli farmonlariga muvofiq, diniy sohada samarali faoliyat yuritib kelayotgan bir guruh soha xodimlari yuksak davlat mukofotlari bilan taqdirlandilar. Marosimda Buxoro viloyati hokimining o‘rinbosari Azizbek Qalandarov ishtirok etib, yig‘ilganlarni qutlug‘ ayyom bilan samimiy qutladi va davlat mukofotlarini o‘z egalariga tantanali ravishda topshirdi.
Shuningdek, bayram munosabati bilan viloyat hokimligi tashabbusi asosida soha fidoyilariga maxsus vaucherlar taqdim etildi. Tadbirda so‘z olganlar davlatimiz tomonidan ma’naviy-ma’rifiy soha xodimlariga qaratilayotgan yuksak e’tibor va g‘amxo‘rlik uchun minnatdorlik bildirdilar.
Bundan tashqari, O‘zbekiston musulmonlari idorasi Buxoro viloyati vakili, viloyat bosh imom-xatibi Jobir domla Elov tomonidan viloyat vakilligi tasarrufida samarali xizmat ko‘rsatib kelayotgan bir guruh diniy soha xodimlariga tashakkurnomalar topshirildi.
Ko‘tarinki ruhda o‘tgan marosimlarda bunday yuksak e’tibor va ehtirom soha fidoyilarini el-yurt farovonligi va dinimiz sofligini targ‘ib etish yo‘lidagi xayrli faoliyatga yanada kuch-g‘ayrat bilan kirishishga ruhlantirishi ta’kidlandi.
O‘zbekiston musulmonlari idorasi
Matbuot xizmati
