Yodingizda tuting!
“Haj safari uchun sanoqli joylar qoldi!”, “Bizning firma bilan haj qiling!”, “Haj uchun yarim narxni toʻlang!”
Ayni kunlarda ijtimoiy tarmoqlarda shu kabi jimjimador sarlavha ostidagi reklamalar koʻpaymoqda.
Yodingizda tuting! Saudiya Arabistonida Haj amallarini bajarish uchun sizda “Haj-2024” vizasi boʻlishi shart.
Din ishlari boʻyicha qoʻmita
Axborot xizmati
Imom Buxoriy va Imom Termiziy nomidagi islom institutlari o‘rtasida memorandum imzolandi
Shu yil 28 aprel kuni Imom Termiziy nomidagi islom instituti hamda Imom Buxoriy nomidagi Toshkent islom instituti o‘rtasida o‘zaro hamkorlik memorandumi imzolandi.
Ushbu hujjat ikki ta’lim dargohi o‘rtasidagi aloqalarni mustahkamlash, tajriba almashish va birgalikda yirik loyihalarni amalga oshirish uchun yangi imkoniyatlar eshigini ochadi. Memorandum doirasida professor-o‘qituvchi va talabalar ishtirokida ilmiy-amaliy seminarlar, xalqaro konferensiyalar hamda qizg‘in davra suhbatlari o‘tkazilishi belgilangan.
Shuningdek, ta’lim jarayoniga eng zamonaviy metodlarni olib kirish, o‘quv-uslubiy ishlarni yangi bosqichga ko‘tarish va innovatsion yondashuvlarni amaliyotga tatbiq etish asosiy maqsad etib belgilandi. Bu kabi hamkorliklar yurtimizda ilm-fan va diniy ta’lim rivojiga xizmat qilishi, shubhasiz.
“Imom Termiziy” madrasasi
Matbuot xizmati