Qadimda Arab xalqida qizil tuya (حُمُرِالنَّعَمَ) eng qimmatli narsalardan biri hisoblangan. Shu sabab ular bir narsa qiymati yuqoriligini qizil tuyaga qiyoslash bilan bildirgan.

Bir inson boshqa birovning hidoyat topishiga sabab bo'lishi u uchun qizil tuyaga ega bo'lishdan yaxshiroqdir.  

Abu Abbos Sahl ibn Sa'd as-So'idiy roziyallohu anhudan rivoyat qilinadi: Rasululloh sollallohu alayhi vasallam Aliy roziyallohu anhuga:«Allohga qasamki, Alloh taolo sen sababli bir kishini hidoyat qilmog'i qizil tuyadan ham yaxshiroqdir», dedilar (Muttafaqun alayh).

Darhaqiqat, bir insonga to'g'ri yo'l ko'rsatish, bu orqali uni hidoyat topishi juda katta savobli ishdir.

Alloh taolo barchamizni mana shunday  savobli ishlarga muvaffaq qilsin!

     Ruhiddin Akbarov,

O'zbekiston musulmonlari idorasining

Qashqadaryo viloyatdagi vakillik xodimi