Mazhab - shaxsga ergashish degani emas
Mazhabga ergashish degani Qur'on va sunnatni qo'yib, shaxsga ergashish degani emas. Balki bu aynan Qur'on va sunnatga ergashish sanaladi! Misol uchun, sizning bel qismingizda qattiq og'riq turdi. Shu darajada og'riyaptiki, jasadingiz bukilib qoldi. Shu mahal siz dorixonaga borasizmi yoki mutaxassisga uchraysizmi? Yoki o'zingiz belingizni nimaga og'riyotganligini bilmagan holingizda dorixonaga borib, menga anavi dorini bering, deb iste'mol qilaverasizmi?
Holbuki, siz qaysi dori qanday kasalga shifo ekanini bilmaysiz-ku! Bunday paytda shifokorga borib, uning ko'rigidan o'tiladi. Shifokor sizning shikoyatingizni eshitib, so'ng qo'lingizga sizga zarur dorining nomini yozib beradi. Shundan so'ng dorixonaga borib, tavsiya etilgan dorini olasiz. Ammo na siz, na dori sotuvchi u dorining tarkibini va nimadan tayyorlanganini bilmaydi.
Mazhab ulamolari biz uchun go'yo tabibdir. Bizga qaysi oyat yoki qanday hadis shifo bo'lishini ular biladi. Bu bir aqliy dalil edi.
Xushxabar: “Fatvolar to‘plami” kitobining 3-juzi nashrdan chiqdi
Yaqinda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiligida Fatvo markazi ulamolari tomonidan tayyorlangan “Fatvolar to‘plami” kitobining 3-juzi nashr etildi.
Kitobda yurtdoshlarimiz tomonidan eng ko‘p so‘ralgan savollarga javoblar aks etgan. Mazkur asar sodda uslubda, hanafiy mazhabimizdagi mo‘tabar fiqhiy manbalarga asoslangan holda tayyorlangan.
Ushbu kitobdan aqida, tahorat, namoz, zakot, ro‘za, haj-umra, qurbonlik, savdo-sotiq, ijara, nikoh, qasam, nazr, emizish, taloq, meros, ta’qiq va ruxsatlar, tib, Islom tarixi, Qur’on, zikr, fazilatli amallar kabi mavzulardagi qiziqarli savollarga batafsil javob topishingiz mumkin.
Kitobning hajmi: 584 bet;
Muqovasi: Qattiq, zarhal
Nashriyot: “Shamsiddinxon Boboxonov” NMIU
Ulgurchi oluvchilar murojaat qilishlari uchun:
+998917806633
@fatvo_reception
O‘zbekiston musulmonlari idorasi
Matbuot xizmati
