Haj qoidalarini buzish qat'iy jarima bilan jazolanadi
Saudiya Arabistoni Ichki ishlar vazirligi Haj tartib-qoidalarini buzganlar qattiq jazolanishini ma'lum qildi.
Belgilangan muddatda Makkada, “Masjid al-Harom” atrofi, ziyoratgohlar, Rusayfa shahridagi Haramayn bekati, xavfsizlikni nazorat qilish markazlari, saralash markazlari va vaqtinchalik xavfsizlik nazorati markazlarida Haj tartib-qoidalarini buzgan qirollik fuqarolari, aholisi va mehmonlari 10 000 Saudiya riyali yoki 2 666 AQSh dollari miqdoridagi jarimaga tortiladi..
Qoidabuzarlar o'z vatanlariga deportatsiya qilinadi va Qirollikka qayta kirishlari taqiqlanadi. Bu haqda “Saudy press” agentligiga tayanib “Arabnews” xabar bermoqda.
Ichki ishlar vazirligi qoidabuzarlar har bir qoidabuzarlik uchun yana 10 ming SR miqdorida jarimaga tortilishini aytib, ziyoratchilar o'z marosimlarini xavfsiz va qulay tarzda bajarishlari uchun Haj tartib-qoidalariga rioya qilishi muhimligini ta'kidladi.
Haj va Umra vazirligi zarur ruxsatnomalarsiz haj qilish noqonuniy ekanligini va 50 ming Saudiya riyoli miqdorida jarimaga olib kelishini ta'kidladi. Bundan tashqari, tegishli ruxsatnomasiz ziyoratchilarni olib ketayotganda ushlanganlar ham 50 000 SAR (13. 330 AQSh dollari) gacha jarimaga tortiladi.
“Islom poytaxti” internet resursiga ko'ra, foydalanilgan transport vositasini musodara qilish to'g'risida buyruq chiqariladi va jinoyatchi muhojir bo'lsa, qamoq jazosini o'tab bo'lgach, deportatsiya qilinadi. Noqonuniy tashilgan odamlar soniga qarab jarima miqdori ortib boradi.
O'zbekiston musulmonlari idorasi Matbuot xizmati
Bir guruh diniy-ma’rifiy soha fidoyilariga "O‘zbekiston Respublikasi mustaqilligining 35 yilligi" esdalik nishonlari topshirildi
27 avgust kuni O‘zbekiston Respublikasi mustaqilligining 35 yilligi munosabati bilan diniy-ma’rifiy sohada samarali mehnat qilib kelayotgan fidoyi yurtdoshlarimizni taqdirlashga bag‘ishlangan tantanali tadbir bo‘lib o‘tdi.
Tadbirda O‘zbekiston Respublikasi Prezidentining diniy-ma’rifiy masalalar bo‘yicha maslahatchisi Muzaffar Komilov kirish so‘zi bilan ishtirok etdi.
Kirish nutqida mamlakatimizda mustaqillik yillarida, ayniqsa, so‘nggi yillarda diniy-ma’rifiy sohani rivojlantirish, jamiyatda tinchlik-totuvlik, millatlararo hamjihatlik va diniy bag‘rikenglikni mustahkamlash borasida amalga oshirilayotgan islohotlar, shuningdek, sohada faoliyat yuritayotgan ulamolar, imom-xatiblar, mudarrislar va fidoyi xodimlarning munosib hissasi haqida alohida ta’kidlandi.
Tantanali tadbir davomida diniy-ma’rifiy sohada ko‘p yillardan buyon samarali mehnat qilib, yurtimizda ma’naviy barqarorlikni ta’minlash, yosh avlodni milliy va umuminsoniy qadriyatlar ruhida tarbiyalash, aholi o‘rtasida ma’rifiy tushuntirish ishlarini olib borishga munosib hissa qo‘shib kelayotgan bir guruh fidoyi yurtdoshlarga "O‘zbekiston Respublikasi mustaqilligining 35 yilligi" esdalik nishonlari tantanali ravishda topshirildi.
Esdalik nishonlarini topshirish marosimida O‘zbekiston Respublikasi Prezidentining diniy-ma’rifiy masalalar bo‘yicha maslahatchisi Muzaffar Komilov, Din ishlari bo‘yicha qo‘mita raisi Sodiq Toshboyev, O‘zbekiston musulmonlari idorasi raisi, muftiy Shayx Nuriddin Xoliqnazar hazratlari, O‘zbekistondagi Islom sivilizatsiyasi markazi direktori Firdavs Abduhalikov, O‘zbekiston Respublikasi Vazirlar Mahkamasi mas’ul xodimi Orifxon Zokirovlar ishtirok etdilar.
Taqdirlash marosimida ta’kidlanganidek, mazkur esdalik nishoni mamlakatimiz taraqqiyotiga, uning tinchligi va barqarorligiga, jamiyatda millatlararo totuvlik va diniy bag‘rikenglik muhitini mustahkamlashga, yosh avlodni milliy va umuminsoniy qadriyatlar ruhida tarbiyalashga munosib hissa qo‘shayotgan fidoyi insonlarga bildirilgan yuksak ehtirom va e’tirof ramzidir.
Tadbir yakunida taqdirlanganlar o‘zlariga bildirilgan yuksak ishonch va e’tibor uchun minnatdorlik bildirib, mamlakatimiz tinchligi va ravnaqi yo‘lidagi ezgu faoliyatlarini yanada sidqidildan davom ettirishlarini ta’kidladilar.
Barcha mukofot sohiblarini samimiy muborakbod etamiz!
Mustaqilligimizning 35 yilligi muborak bo‘lsin!
O‘zbekiston musulmonlari idorasi Matbuot xizmati
