Shu yil 15 may kuni Buxoro shahridagi “Mir Arab” o'rta maxsus islom ta'lim muassasasida O'zbekiston musulmonlari idorasi tasarrufidagi oliy va o'rta maxsus diniy ta'lim muassasalari talabalari o'rtasida “Barkamol avlod – 2024” sport musobaqasining respublika bosqichiga start berildi.

Mazkur sport musobaqasiga respublikamizda faoliyat yuritayotgan O'zbekiston musulmonlari idorasi tasarrufidagi 3 ta oliy va 10 ta o'rta maxsus diniy ta'lim muassasalari talabalari o'rtasida o'tkazilmoqda. Unda talaba yigitlar sportning kurash, tosh ko'tarish, stol tennis va shaxmat bo'yicha, talaba-ayol-qizlar esa stol tennis va shaxmat sport turlari bo'yicha ta'lim muassasalari sharafini himoya qiladilar.

Mazkur musobaqani bergilangan tartib-qoidalar asosida adolatli baholab borish uchun O'zbekiston sport federatsiyasi Buxoro viloyat vakillaridan iborat hakamlar hay'ati taklif qilingan.

Musobaqa yakunlariga ko'ra g'oliblikni qo'lga kiritgan ishtirokchilarga O'zbekiston musulmonlari idorasi, “Vaqf” xayriya jamoat fondi, “Mir Arab” o'rta maxsus islom ta'lim muassasasi va homiylarning qimmatbaho esdalik sovg'alar topshiriladi.

Abdunosir Bobamirzayev,
O'zbekiston musulmonlari idorasi,
Ta'lim va ilmiy-tadqiqot bo'limi metodisti