Faollik va rag'bat
Obuna–2024
Qashqadaryo va Surxondaryo viloyatlarida O'zbekiston musulmonlari idorasi "Shamsuddinxon Boboxonov" nashriyot-matbaa ijodiy uyining "Hidoyat" va "Mo'minalar" jurnallari hamda "Islom nuri" gazetasiga 2023 yil uchun obuna targ'ibotida faol qatnashgan imom-xatiblarni taqdirlash marosimi bo'lib o'tdi.
Tadbirda "Shamsuddinxon Boboxonov" nashriyot-matbaa ijodiy uyi muharrirlari Abdulatif Abdullayev, Azizbek Holnazarov ishtirok etdi.
Tadbirlarda mazkur nashrlarga 2024 yil uchun obunani uyushqoqlik bilan tashkil etish, har bir xonadonga ziyo kirib borishiga hissa qo'shishning foydalari, savoblari haqida so'z bordi.
Faol imom-xatiblar "Shamsuddinxon Boboxonov" nashriyot-matbaa ijodiy uyining esdalik sovg'alari va tashakkurnomasi bilan taqdirlandi.
Yig'ilishlar xayrli duolar bilan yakunlandi.
O'z muxbirimiz
Muruvvatli bo‘lish — oliy fazilat va insoniy burchdir
Bugun, 18 sentyabr kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Qoraqalpog‘iston Respublikasiga xizmat safari davomida Nukus shahridagi “Imom eshon Muhammad” jome masjidida juma namozini ado etdilar.
Muftiy hazratlari namozdan oldin jamoatga “Muruvvatli bo‘lish — oliy fazilat!” mavzusida manfaatli ma’ruza qilib berdilar.
Ma’ruzada ta’kidlanganidek, muruvvat — mehr-shafqat, saxovat va muhtojlarga yordam berish kabi eng go‘zal insoniy fazilatlardan sanaladi. O‘zini saxovatli deb bilgan inson o‘z manfaatini o‘zgalardan ustun qo‘ymasligi, keksalar holidan xabar olishi, yiqilganni suyash orqali qalban xotirjamlik topadi.
Shuningdek, bugungi tezkor zamonda bir-birimizga bag‘rikeng bo‘lish jamiyatda tinchlik, baraka hamda hamjihatlikni barqaror qilishi, ushbu oliy fazilatni o‘zimizda shakllantirib, farzandlarimizga meros qoldirish har birimizning burchimiz ekanligi alohida uqtirildi.
Fayzli suhbat yakunida yurtimizga tinchlik-omonlik va xonadonlarimizga baraka tilab xayrli duolar qilindi.
O‘zbekiston musulmonlari idorasi Matbuot xizmati
- «
- »