124 yoshli kampirning hayosi
Anas ibn Molik roziyallohu anhudan rivoyat qilinadi. Rasululloh sollallohu alayhi va sallam: “Hayo qaerda bo'lmasin kishini bezaydi, chirkin so'z har qaerda kishini jirkanch ko'rsatadi”, dedilar.
Hayo hammada ham bo'lishi shart. Lekin ayollar yana ham munosibroqdir. Ayollarning hammasiga hayo munosib, yoshlariga yana ham chiroydir hayo. Keksalarga esa, hayo qilmaslik sharmandalikdir.
1888 yilda tug'ilgan falastinlik Maryam Hamdan Ammash 124 yoshga etib, frantsiyalik 122 yarim yil umr ko'rgan Janna Luiza Kalman degan ayolning rekordidan o'tib ketdi.
Aytishlaricha, Maryam buvi to'rt bosqich avlodini ko'rgan. Hatto uning nabiralari ham nabira ko'rgan bobo bo'lganlar. Biroq shunday katta yoshiga qaramay nevara, evara va chevaralarining har birini yaxshi tanir, ularning hayoti bilan qiziqar edi.
Keksa onaxon oqila va dono bo'lib, bu katta oilaning etakchisi edi. Hamma u bilan maslahatlashar edi. Kampir besh marotaba haj va o'n marta umra qilgan. Yoshi katta bo'lishiga qaramay juda harakatchan edi. Bu muslima qariya qishloqda muhtaram enaga va doya ham edi.
Maryam buvining nabirasi Mahdiy Hamdan Ammashning “Gulf News” ro'znomasiga aytishicha, Ginnes guruhi Maryam buvinining oldiga o'tgan yil mart oyida ziyorat qilgani kelgan va Maryam buvini rekordlar kitobiga yozishni bildirgan. Uning aytishicha, Ginnes guruhi namoyandasi uni rekordlar kitobiga yozib butun Yer yuzida mashhur qilishini aytganida, onaxon undan so'radi:
- Men shu bilan baxtli bo'lamanmi?
Rekordlar kitobi vakili bu kutilmagan savoldan dovdirab qoldi va bu narsa uni va uning oila a'zolarini baxtli qilishi mumkinligini aytdi. Onaxon yana so'radi:
- Yoshingiz nechada?
- Qirq uchga kirdim...
- Musulmonmisiz?
Hodim musulmon emasligini e'tirof etdi.
- Demak, Siz yoshingiz katta bo'lgani bilan haqni botildan ajrata olmas ekansiz. Yo haliyam yoshlik qilasiz yoki aqlingiz zaifdir. Chunki “o'zi kabi o'lajak insonlar orasida mashhur bo'lishdan baxtli bo'lasan” degan so'zga faqat yosh bola yoki aqli zaif kimsagina ishonadi. Vaholanki buning orqasida o'z Holiqi huzurida sharmanda bo'lishlik ham bordir. Ho'sh men qaysi birini tanlay – baxti qaro, sharafsiz kimsalar orasida mashhur bo'lishnimi yoki Olamlar Robbisi huzuridagi baxtiyor insonlar orasida mashhurliknimi?
Ginnes tashkiloti namoyandasi nima deyishni bilmay qoldi. Maryam buvi unga:
- Agar aytishga javobingiz bo'lmasa, boring katta bo'lib aql yurita boshlaganingizda yonimga kelarsiz. Men esa siz qaytib kelguncha o'lmay turishga va'da beraman, deb hazillashib ham qo'ydi.
Shunday qilib uning o'g'illari va nabiralari Ginnes guruhi bilan uchrashishdan bosh tortishdi, chunki oynai jahonda ko'rsatish uchun tasvirga tushirish chog'ida bu ayol boshidan ro'molini echib qo'yishi shart qilingan edi.
Qizig'i shundaki, oradan etti oy o'tgach rekordlar kitobi xodimi Islomni qabul qildi. Bundan to'rt oydan keyin esa Maryam Hamdan vafot etdi. Unga qadar esa keksa onaxon bilan bir necha marotaba uchrashib, ancha vaqt suhbatlashishgan.
Ulug'bek qori YO'LDOShYeV,
Asaka tumanidagi “Muhammadsolih hoji” jome masjidi xodimi.
Registon maydonini Imom al-Moturidiy maqbarasi bilan bog‘laydigan ko‘cha rekonstruksiya qilinmoqda
Samarqandning tarixiy qismida turizm infratuzilmasini keng ko‘lamli yangilash ishlari davom etmoqda. Amalga oshirilayotgan loyihalarning asosiy maqsadi xorijiy sayyohlarning qolish muddatini uzaytirish, qulay shahar muhitini yaratish va bir vaqtning o‘zida mahalliy aholining hayot sifatini oshirishdan iborat.
“Samarkandskiy vestnik” nashriga ko‘ra, turizmni rivojlantirish dasturi doirasida eski shaharning 13 ta ko‘chasi bosqichma-bosqich zamonaviy piyodalar yo‘lagiga aylantirilmoqda. Bu yerda yangi xizmat ko‘rsatish obyektlari barpo etilmoqda, jamoat joylari obodonlashtirilmoqda, milliy me’morchilik an’analarini saqlab qolgan holda muhandislik kommunikatsiyalari va bino fasadlari yangilanmoqda.
Eng yirik loyihalardan biri Registon maydonini Imom al-Moturidiy maqbarasi bilan bog‘laydigan Buxoro ko‘chasini rekonstruksiya qilish bo‘ldi. Ko‘chaning 850 metr qismi to‘liq piyodalar hududiga aylantiriladi. Loyihani ishlab chiquvchilardan biri, Samarqand davlat texnika universiteti o‘qituvchisi Jasur Berdiqulovning ta’kidlashicha, ilgari bu yerda qatnov qismining torligi tufayli muntazam ravishda tirbandliklar yuzaga kelgan, qulay piyodalar yo‘laklarining yo‘qligi esa piyodalar uchun jiddiy noqulayliklar tug‘dirgan. Ishlar yakunlangach, ko‘cha xavfsiz jamoat maydoniga aylanadi. Aholi uchun alohida to‘xtash joyi ajratilgan bo‘lib, transport vositalarining kirishiga faqat zarurat tug‘ilganda maxsus xizmatlarga ruxsat beriladi. Shu bilan birga, suv, gaz, elektr va boshqa muhandislik tarmoqlari to‘liq modernizatsiya qilinmoqda.
Oltin asr mahallasida joylashgan Bag‘dod ko‘chasida ham ishlar davom etmoqda. Bu yerda 600 metrlik hudud obodonlashtirilmoqda. Loyiha doirasida zamonaviy turizm va xizmat ko‘rsatish infratuzilmasini yaratish, kichik biznes va xizmat ko‘rsatish sohasini rivojlantirish ko‘zda tutilgan.
O‘zbekiston musulmonlari idorasi Matbuot xizmati
