Mo'min satr qiladi, fojir esa fosh qiladi
Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.
Musulmon inson musulmondan fikridagi biroz o'zgachalik, e'tiqodidagi arzimas farqlilik tufayli nafratlanmaydi. Shu bilan uning obro'sini to'kib, hurmatini oyoqosti qilmaydi. Adovat qilmaydi. Tark etmaydi. Balki, unga sohib chiqadi. Hikmat va go'zal so'zlar bilan o'zi to'g'ri deb bilgan narsaga chaqiradi. Haqqiga duolar qiladi.
Mug'ira ibn Miqsam Zabbiy aytadi: "
«Bir odam bor edi. Dinda yaxshi holatda edi. Bir kuni bid'atga aralashib qoldi yoxud qaysidir gunohni sodir etdi. Shunda uning do'stlari va atrofidagilar uni o'zlaridan uzoqlashtirib, undan voz kechib yubordilar. Bu voqea Ibrohim Naxaiy rahimahullohning qulog'iga etib borgan edi, uning do'stlariga: «Unga etishing, nasihat qiling va aslo o'z holiga tashlab qo'ymang!», dedi. («Hilyatul avliyo» 4-jild, 232-bet).
Fuzayl ibn Iyoz rahimahulloh aytadi:
«Mo'min satr qiladi, va'z va nasihat qiladi. Fojir esa fosh qiladi, sharmanda va ovoza qiladi» («Hilyatul avliyo» 8-jild, 95-bet).
Sufyon Savriy rahimahulloh dedilar:
«Yaxshilikka yumshoqlik bilan buyur. Agar qabul qilsa, Alloh azza va jallaga hamd aytasan. Bordiyu qabul qilmasa, yana o'zing bilan mashg'ul bo'lasan. Zero, o'z nafsing borasida qiladigan ishlaring etarlidir» («Al-jarh vat-ta'dil» 1-jild, 124-bet).
Alisher Sultonxodjayev
Anjuman qatnashchilari Islom sivilizatsiyasi markaziga sayohat qilishdi
Xabar berganimizdek, 19-20 avgust kunlari Islom sivilizatsiyasi markazida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» nomli I ilmiy-amaliy anjumani bo‘lib o‘tmoqda.
Bugun, 19 avgust kuni ishtirokchilar kutib olinib, ularning Islom sivilizatsiyasi markaziga sayohati tashkil etildi. Tashrif davomida mehmonlar markazning boy ekspozitsiyalari, Qur’oni karim zali, nodir qo‘lyozmalar hamda buyuk ajdodlarimizning ilmiy merosiga bag‘ishlangan bo‘limlar bilan yaqindan tanishdi. Ayniqsa, zamonaviy multimedia loyihalari va tarixiy eksponatlar ularda chuqur taassurot qoldirdi.
Ustozlar Markazda amalga oshirilayotgan keng ko‘lamli ishlar islom ma’rifatini targ‘ib qilish hamda yosh avlodni milliy-diniy qadriyatlarga hurmat ruhida tarbiyalashda muhim ahamiyat kasb etishini e’tirof etishdi.
Shuningdek, ishtirokchilar O‘zbekiston musulmonlari idorasida ham bo‘lishdi. Hazrati Imom majmuasidagi tarixiy qadamjo va obidalarni ziyorat qilishdi.
Oqshomda Islom sivilizatsiyasi markazi binosida ma’rifiy dastur – mapping namoyish qilindi.
Mazkur tadbirlar islom sivilizatsiyasi merosini targ‘ib etish, diniy ta’lim tizimini yanada takomillashtirib, yangi bosqichga olib chiqishda salmoqli hissa bo‘lib qo‘shiladi.
O‘zbekiston musulmonlari idorasi Matbuot xizmati
