Qabr ustiga suv sepish mumkinmi?
Cavol: Qabr ziyoratiga borganda qabr ustidagi tuproqlarni yumshatib, suv sepsa bo'ladimi?
Javob: Bismillahir rohmanir rohiym.
Qabrga suv sepishni ulamolar mustahab deyishgan. Suv sepishning foydalaridan biri qabrdagi tuproqlarni shamol uchirib ketishini oldi olinadi. Bu borada fiqhiy kitoblarimizda iboralar kelgan:
“Qabrga suv sepishning zarari yo'q, balki mustahabdir. Chunki Ibn Moja Rasululloh sollallohu alayhi vasallam Sa'dning qabriga suv sepganlarini rivoyat qilgan. Abu Dovud qilgan rivoyatda U zot alayhissalom o'g'illari Ibrohimning qabriga shunday qilganlar. Bazzor qilgan rivoyatda U zot alayhissalom Usmon ibn Maz'unning qabriga shunday qilishni buyurganlar”. (“Raddul muhtor” kitobi).
Lekin shuni ham ta'kidlash joizki, qabr ustiga sepiladigan suv haddan ziyod ko'p bo'lib, uning cho'kishiga olib kelmasligi kerak. Vallohu a'lam.
O'zbekiston musulmonlari idorasi Fatvo markazi
Islomda yo‘q...
1. Jaholatdan ko‘ra yomonroq faqirlik yo‘q.
2. Aqldan ko‘ra foydaliroq mol yo‘q.
3. O‘ziga bino qo‘yishdan ko‘ra yomonroq yolg‘izlik yo‘q.
4. Maslahatdan ko‘ra ishonchliroq bir-birini qo‘llash yo‘q.
5. Go‘zal xulqdek nasl-nasab yo‘q.
6. O‘zini tiya bilishdek taqvo yo‘q.
7. Tafakkurdek ibodat yo‘q.
8. Balog‘atga yetgandan so‘ng yetimlik yo‘q.
9. Fathdan so‘ng hijrat yo‘q.
10. Omonatga xiyonat qiluvchida iymon yo‘q.
11. Va’dasiga vafo qilmaydigan odamda din yo‘q.
12. Uch kundan ortiq arazlashib yurish yo‘q.
13. Istig‘for bilan gunohi kabira yo‘q.
14. Qur’on o‘qib yurgan banda uchun muhtojlik yo‘q va u uchun Qur’ondan ortiqroq boylik yo‘q.
15. Alloh uchun duodan o‘zga yoqimliroq narsa yo‘q.
16. Zulmdan ham ko‘ra jazosi tezroq keladigan narsa yo‘q.
17. O‘zgalarning och qornini to‘ydirishdan ko‘ra afzalroq amal yo‘q.
Davron NURMUHAMMAD
- «
- »