"Kasal yuqdi deyish" to'g'rimi?
Bismillahir Rohmanir Rohiym.
Alloh taologa bitmas-tuganmas hamdu sanolar bo'lsin.
Payg'ambarimizga mukammal va batamom salavotu durudlar bo'lsin.
Bu illat qadimgi johiliyatda o'ziga xos ravishda avj olgan. Hoh odamga bo'lsin, xoh hayvonga bo'lsin, «kasal falonchidan yuqdi, shuni qilmasa bo'lar edi», «u edi, bu edi» kabi gaplarni ko'p eshitar edilar. Bunday paytda dunyoda faqat kasallik hokim bo'lib qolganga o'xshaydi. Hamma yoqda kasallik, nimani xohlasa, shuni qila oladi, degan fikr hukm suradi. Bu ishlarning hammasining tadbirchisi Alloh taoloning O'zi ekanligini esa xayollariga ham keltirmaydilar. Har bir narsa Allohdan, degan e'tiqod ularda yo'q. Shuning uchun ham Payg'ambarimiz sollallohu alayhi vasallam hadisi sharifda:
«Bir tuya qo'tir bo'ldi. Yuz tuyani qo'tir qildi (deydilar). Birinchi tuyani kim qo'tir qilibdi?» demoqdalar.
Ha, bu haqda jiddiy o'ylab ko'rish, agar Allohning irodasi bo'lmasa, qo'tir kasali yuqmasligini esdan chiqarmaslik kerak. Hamma narsa yagona Alloh taoloning irodasi bilan bo'lishiga e'tiqod qilish lozim.
Diniy ta’lim muassasalariga qabul davom etmoqda
2026 yilning 30 iyunidan 20 iyuliga qadar O‘zbekistondagi oliy va o‘rta maxsus diniy ta’lim muassasalariga (bakalavriat, magistratura va modul tizimi yo‘nalishlari bo‘yicha) 2026-2027 o‘quv yili uchun abituriyentlardan hujjatlar qabul qilinadi.
Bu yilgi qabul jarayonida abituriyentlarga katta qulaylik yaratilib, hujjatlarni respublikaning istalgan hududidagi o‘ziga yaqin diniy ta’lim muassasasi qabul hay’ati orqali boshqa bir ta’lim maskaniga topshirish imkoniyati berilmoqda.
O‘zbekiston musulmonlari idorasi
Matbuot xizmati
