O'zbekistonga saudiyalik sayyohlar oqimini ko'paytirish masalasi muhokama etildi
O'zbekistonning Saudiya Arabistonidagi Favqulodda va Muxtor elchisi Nodir Turg'unov “Saudi International Travel Company - Saudiya Arabistoni xalqaro sayyohlik kompaniyasi” menejeri Abdulaziz Sulaymon bilan uchrashdi, deb xabar bermoqda “Dunyo” axborot agentligi.
Uchrashuvda O'zbekiston bilan Saudiya Arabistoni o'rtasida turizm, ta'lim va qishloq xo'jaligi sohalaridagi hamkorlikni yanada rivojlantirish, O'zbekistonga saudiyalik sayyohlar oqimini ko'paytirish masalasi muhokama qilindi.
Ikki davlat o'rtasidagi hamkorlik izchil va samarali rivojlanib borayotgani, barcha darajadagi tashriflar almashinuvi ko'payib, turli qo'shma tadbirlar o'tkazilayotgani ta'kidlandi.
Saudiya kompaniyasi menejeri O'zbekistonda turizm sohasida amalga oshirilayotgan keng ko'lamli islohotlarni diqqat bilan kuzatib borayotganini, bu borada O'zbekiston tomoni bilan hamkorlikni mustahkamlash va rivojlantirishdan manfaatdor ekanini alohida ta'kidladi.
Saudiya xalqaro sayyohlik kompaniyasi Yevropaning ko'plab davlatlari bilan hamkorlik aloqalarini yo'lga qo'ygani, muntazam ravishda videokonferentsiya orqali uchrashuvlar, tashriflar almashinuvi hamda tegishli vazirlik va idoralar bilan muzokaralar olib borilayotgani ta'kidlandi.
Saudiya tomoniga O'zbekistonning boy sayyohlik salohiyati, bu borada ishlab chiqilayotgan yangi istiqbolli sarmoyaviy loyihalar, sayyohlik joylari haqida ma'lumot berildi.
Uchrashuv yakunlari bo'yicha muzokaralar tashkil etish va ikki davlat manfaatdor idoralari va sayyohlik kompaniyalari o'rtasidagi hamkorlik istiqbollarini muhokama qilish bo'yicha ham kelishuvga erishildi.
O'zbekiston musulmonlari idorasi
Matbuot xizmati
Bir marta "Subhanalloh" deyish uchun fursat berilsa...
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
O‘lim bir eshik. Barcha insonlar undan o‘tadi. Eh koshki, bu eshikka kirgandan keyin mening uyim qanaqaligi ma’lum bo‘lsa?!
Birodar! Qarang, qabrdagilar bir-birlariga juda yaqin yotishibdi. Lekin ular sirtdan yaqin qo‘shni. Aslida esa, bir-birlarining yoniga ham bora olmaydilar.
Usmon roziyallohu anhu qachon qabr yonidan o‘tsalar, shu darajada yig‘lar edilarki, soqollari ko‘z yoshlaridan ho‘l bo‘lib ketardi.
U kishidan: "Siz nega jannat va do‘zaxni esga olganingizda yig‘lamaysiz. Lekin qabrni ko‘rib yig‘laysiz?" deb so‘rashdi. U kishi shunday dedilar: «Rasululloh sollallohu alayhi vasallam: "Qabr oxiratning ilk manzilidir", deganlar. Shunga ko‘ra, agar mayyit qabrdagi azobdan najot topsa, undan keyingi hayot oson bo‘ladi. Agar qabrdagi azobdan najot topa olmasa, u holda undan keyingi hayot qiyin bo‘ladi.
Yana Rasululloh sollallohu alayhi vasallam: "Men qabrdan ko‘ra daxshatliroq biror manzarani ko‘rmadim", deganlar.
Biz uchun bu qabrlarda ibrat yo‘qmi? Qarang, boy ham, faqir ham, zo‘ravon ham, kuchsiz ham, oq tanli ham, qora tanli ham, podshoh ham, fuqaro ham barcha barobar yotibdi. Ular dunyoga qaytishni xohlaydilar. Boylik jamlash yoki qasr qurish uchun emas, balki, koshki men bir namoz o‘qish uchun muhlat topsam, koshki bizga bir martagina "Subhanalloh" deyish uchun fursat berilsa, deb, shu amallarni qilish uchun dunyoga qaytishni xohlaydilar. Lekin endi iloji yo‘q. Nomai a’mol yopilib bo‘ldi. Ruh jismdan chiqqan. Hayot muhlati tugab bo‘lgan. Endi har bir mayyit o‘z amalining garovi o‘laroq qabrida yotibdi...
«Nasihatlar guldastasi» kitobidan