O'zbekistonda haj mavsumi 2024 yil 23 maydan boshlandi
Ziyoratchilarni aeroportda Namangan viloyati hokimi Shavkatjon Abdurazzoqov boshchiligida keng jamoatchilik vakillari kuzatib qo‘ydilar.
Ziyoratchilarni mamlakatimizning 10 ta hududiy aeroporti, jumladan, Namangan xalqaro aeroportidan ham to‘g‘ridan to‘g‘ri Namangan-Madina aviareyslari orqali haj safariga kuzatish rejalashtirilgan.
Bugun Namangan xalqaro aeroportidan viloyatimizning bir guruh vakillari muborak safarga otlandilar. Joriy mavsumning ilk reysida Namangan shahri, Pop, Norin, Kosonsoy, Uychi tumanlaridan jami 245 kishi ziyoratga jo‘nab ketishdi.
O‘zbekiston musulmonlari idorasi
Namangan viloyati vakilligi Matbuot xizmati
Farg‘onada yana bir og‘ir bemorning holidan xabar olindi
«Vaqf» xayriya jamoat fondi Farg‘ona viloyati filialining fidoyi xodimlari va volontyorlari tomonidan saxovatpesha xalqimiz tomonidan qilingan xayr-ehsonlar ezgu maqsadlar yo‘lida sarflanmoqda.
Navbatdagi xayriya tadbiri doirasida Uchko‘prik tumanida yashovchi, jigar sirrozi kasalligiga chalingan og‘ir bemor Kazakov Ilyosjon Yoqubovichning holidan xabar olinib, unga jarrohlik amaliyoti xarajatlari uchun 132 million 500 ming so‘m miqdorida xayriya mablag‘i, oziq-ovqat mahsulotlari jamlanmasi, Mus'haf va boshqa ehsonlar topshirildi.
Bugun bemorlar va ehtiyojmand insonlarga ko‘rsatilayotgan bunday ko‘mak — xalqimizning mehr-oqibati, saxovati va hamjihatligining yorqin ifodasidir.
O‘zbekiston musulmonlari idorasi Matbuot xizmati
