Gumondan saqlanish – gunohdan saqlanishdir!
Alloh taolo muqaddas kalomi bo'lmish Qur'oni karimda hamda payg'ambarimiz Muhammad Mustafo sollallohu alayhi vasallam muborak hadisi shariflarida mo'min musulmonlarni g'iybatdan va bir-birlari haqida yomon gumon qilishdan qaytarganlar.
Bu haqda Alloh taolo Hujurot surasining 12-oyatida xabar berib aytadiki: “Ey iymon keltirganlar! Ko'p gumonlardan chetda bo'linglar chunki ba'zi gumonlar gunohdir. Josuslik qilmanglar. Ba'zilaringiz ba'zilaringizni g'iybat qilmanglar. Sizlardan birortalaringiz o'zining o'lgan birodarining go'shtini eyishni yaxshi ko'radimi? Ha,yomon ko'rasizlar. Allohdan qo'rqinglar! Albata, Alloh tavbani ko'p qabul qiluvchi va rahimlidir”.
Imom Buxoriy Abu Hurayra roziyallohu anhudan rivoyat qilgan hadisda, Payg'ambarimiz sollallohu alayhi vasallam aytadilarki: “Zinhor va zinhor badgumon bo'lmanglar, chunki badgumonlik so'zning eng yolg'onidir”.
Boshqa bir hadisda aytilishicha: Rasululloh sollallohu alayhi vasallamdan kishilar so'radilar. Yo Allohning Rasuli g'iybat nima? Payg'ambarimiz sollallohu alayhi vasallam: “Birodaringni o'ziga yoqmagan narsa bilan eslashing”, dedilar. Shunda: Birodarimda men aytgan narsa bo'lsachi? deb so'radi. Payg'ambarimiz sollallohu alayhi vasallam: “Agar aytganing unda bo'lsa,g'iybat qilgan bo'lasan ammo bo'lmasa bo'hton qilgan bo'lasan”, dedilar.
Ulug' sahobalardan Hazrati Umar roziyallohu anhu: “Agar yaxshilikka burishning birorta yo'li bo'lsa ham, mo'min birodaringdan chiqqan so'z haqida faqat yaxshi gumon qil”, deganlar.
Ulamolardan Fuzayl ibn Iyoz rohimahulloh: “Kim g'iybatdanomonda bo'lishni istasa, gumon eshiklarini mahkam berkitsin. Kim gumondan uzoqda bo'lsa, do'sti aybini axtarishdan omonda bo'ladi. Kim birovning xatosini topishdan xoli bo'lsa, u g'iybatdan chetda bo'ladi”, deganlar.
Sufyoni Savriy rahimahulloh esa: “Birodaring haqida yomon gumonda bo'lishing uni zaharlab o'ldirishing bilan teng” deganlar.
Yuqorida keltirilgan oyati kalimalar, payg'ambarimiz Muhammad Mustafo sollallohu alayhi vasallamning muborak hadisi shariflari, sahobai kiromlar va allomai zamonlarimizning purma'no so'zlari biz mo'min-musulmonlarni boshqa mo'min musulmonlar haqlarida yomon gumon qilishlik va g'iybatlardan saqlanishga undaydi, inshaAlloh. Alloh taolo barchamizni yomon gumon qilishdan va g'iybatdan O'zi asrasin.
Doktor Hasson Shamsi Poshoning "Metin qoyalar" kitobidan
G'iyosiddin Habibulloh, Ne'matulloh Isomov tarjimasi.
Olmaotadagi “Umra plyus” xalqaro sayyohlik yarmarkasida O‘zbekistonga 10 ming ziyoratchini jalb etishga kelishildi
Olmaota shahrida O‘zbekistonning “Umra plyus” xalqaro turizm assotsiatsiyasi tashabbusi bilan xalqaro turizm yarmarkasi o‘tkazildi, deb xabar bermoqda “Dunyo” AA.
O‘zbekiston Turizm qo‘mitasi hamda mamlakatimiz Bosh konsulxonasi hamkorligida tashkil etilgan mazkur tadbir Markaziy Osiyo davlatlari o‘rtasida ziyorat turizmini rivojlantirish, xalqaro sayyohlik sohasida hamkorlikni kengaytirish, ziyoratchilar oqimini O‘zbekistonga jalb etish hamda “Umra plyus” dasturi doirasida yangi turistik yo‘nalishlarni shakllantirish maqsadida o‘tkazildi.
Yarmarkada 50 nafarga yaqin xorijiy hamkorlar hamda Markaziy Osiyo davlatlarining turizm sohasida faoliyat yurituvchi 600 nafarga yaqin vakillari ishtirok etdi.
Uchrashuvda Olmaota shahrida joylashgan O‘zbekiston, Hindiston, Afg‘oniston va Belarus konsullik idoralari vakillari ham qatnashib, xalqaro turizm sohasidagi hamkorlikning muhim yo‘nalishlari yuzasidan fikr almashdi.
Tadbir doirasida “Umra plyus” xalqaro turizm assotsiatsiyasi hamda Markaziy Osiyo davlatlarining yirik turoperatorlari o‘rtasida muzokaralar o‘tkazilib, “Umra plyus” dasturi doirasida 2026 yil yakuniga qadar qariyb 10 ming nafar ziyoratchining O‘zbekistonga tashrifini tashkil etish bo‘yicha kelishuvlarga erishildi.
Erishilgan kelishuvlar O‘zbekistonning ziyorat turizmi salohiyatini xalqaro miqyosda keng targ‘ib qilish, turistik xizmatlar eksportini oshirish, Markaziy Osiyo davlatlari bilan turizm sohasidagi amaliy hamkorlikni yanada mustahkamlash hamda mamlakatimizga xorijiy ziyoratchilar oqimini ko‘paytirishga xizmat qiladi.
Olmaota shahrida o‘tkazilgan ushbu yarmarka O‘zbekistonning Markaziy Osiyo mintaqasida ziyorat turizmi markazlaridan biri sifatidagi mavqeini mustahkamlash va xorijiy turoperatorlar bilan yangi hamkorlik aloqalarini yo‘lga qo‘yishda muhim ahamiyat kasb etdi.
Tadbir so‘nggida Bosh konsulxona vakillari tomonidan faol ishtirokchilar va hamkorlarga “Umra plyus” xalqaro turizm yarmarkasining esdalik sovg‘alari topshirildi.
O‘zbekiston musulmonlari idorasi Matbuot xizmati
