Bir haftada Masjid an-Nabaviyni 8 millionga yaqin kishi ziyorat qildi
«Masjid al-Harom va Masjid an-Nabaviy» ishlari boshqarmasi so'nggi bir hafta ichida Masjid an-Nabaviyda 7 million 800 mingdan ortiq hojilar va ziyoratchilar mavjudligi haqida xabar berdi.
IQNA agentligi ma'lumotlariga ko'ra, Masjid al-Harom va Masjid an-Nabaviy idorasi o'tgan haftada Masjid an-Nabiyda 7 million 800 mingdan ortiq namozxon va ziyoratchi bo'lganini ma'lum qilgan.
Masjid al-Harom va Masjid al-Nabaviy ishlari boshqarmasi Masjid an-Nabaviyda namozxonlar va hojilar borligi haqidagi hisobotni e'lon qilib, so'nggi bir hafta ichida 550 960 ziyoratchi Masjid an-Nabaviyni ziyorat qilish imkoniga ega bo'lganini ma'lum qildi. Ar-Ravda ash-Sharifada – erkak va ayollardan iborat haj ziyoratchilari ibodat qilishdi.
Shuningdek, o'tgan haftada 13 ming 436 nafar keksa va nogironlar maxsus xizmatlardan bahramand bo'ldi. Ulardan foydalangan turli mamlakatlarning aloqa xizmatlaridan foydalanuvchilar soni 303 ming 869 nafardan oshdi, 177 ming 549 nafar erkak va ayolga sovg'alar topshirildi.
Ushbu boshqarma ma'lumotlariga ko'ra, o'tgan hafta davomida 316 117 nafardan ortiq ziyoratchi va namozxonlar turli xizmatlardan, 69 221 nafari esa masjidga transport xizmatidan foydalangan. Shuningdek, Masjid an-Nabaviyda 136 800 shishadan ortiq zamzam suvi va 216 052 ta taom tarqatildi.
O'zbekiston musulmonlari idorasi
Matbuot xizmati
Buni shukr deb bo‘ladimi?
Behisob pul va boyliklarni chekish-ichish, kayfu safo uchun sarf qilish – Allohga shukr qilishmi?!
Yoshlik davrini zino va harom ishlar bilan o‘tkazish – Allohga shukr qilishmi?!
Telefon orqali o‘zgalarga zarar yetkazish, har xil bo‘lmag‘ur ishlarda foydalanish – Allohga shukr bo‘ladimi?!
Yeguliklarni chiqindi qutisiga tashlash, uvolni bilmaslik – Allohga shukr qilishmi?!
Zakotni o‘z vaqtida ado etmaslik, sadaqadan tiyilish – Allohga shukr qilish deganimi?!
Internetda foydasiz narsalar uchun vaqt ajratish, vaqtni bekorga zoye qilish – Allohning bergan ne’matlariga shukr qilishmi?!
Axir Alloh taolo bizlarga shukr qilishni va U Zotning fazlini e’tirof qilishga buyurgan-ku: «Bas, Meni yod etingiz, (Men ham) sizlarni yod eturman. Menga shukr qilingiz, noshukrchilik qilmangiz!»[1].
Qolaversa, Alloh taolo shukr qiluvchilarni azoblamasligi xabarini ham bergan: «Agar shukr qilsangiz va iymon keltirsangiz, Alloh sizlarni nega azoblasin?! Alloh shukrni qabul etguvchi va bilguvchi Zotdir»[2].
Shukr – Alloh taolo ato etgan ne’matlarning davomli bo‘lishining garovidir: «Yana Parvardigoringiz bildirgan (bu so‘zlar)ni eslangiz: “Qasamki, agar (bergan ne’matlarimga) shukr qilsangiz, albatta, (ularni yanada) ziyoda qilurman. Bordi-yu, noshukrchilik qilsangiz, albatta, azobim (ham) juda qattiqdir”»[3]. «...Agar shukr qilsangiz (va iymon keltirsangiz) U Zot sizlar uchun rozi bo‘lur...»[4].
Bu dunyoda borligimizga shukr qilish – ota-onalarimizga yaxshilik qilishimizdadir. Zero, Rasululloh sollallohu alayhi vasallam: “Allohning roziligi – ota-onaning rizosidadir” [5], deganlar.
Qarindoshchilik munosabatlarini yo‘lga qo‘yish, ular bilan bordi-keldi qilish, uzilgan rishtalarni tiklash ham Alloh bizga qarindosh, yaqinlar bergani ne’matining shukridir. Nabiy alayhissalom bu borada: “Rizqida kengchilik bo‘lishi, ajali ortga surilishi kimni xursand qilsa, qarindoshchilik aloqalarini bog‘lasin”, deganlar[6].
Sadaqa berish – Alloh bizni mol-dunyo bilan siylagani uchun shukr qilish demakdir. Sadaqa Alloh taoloning g‘azabini o‘chiradi. Nabiy alayhissalom: “Maxfiy qilingan sadaqa Yaratganning g‘azabini o‘chiradi. Qarindoshchilik aloqalarini bog‘lash umrni uzaytiradi. Yaxshilik qilish yomon o‘lim topishdan asraydi”, [7] deganlar.
Hasson Shamsiy Poshoning
“Jannat bo‘stonidagi oilaviy oqshomlar” nomli kitobidan
G‘iyosiddin Habibulloh, Ilhom Ohund, Abdulbosit Abdulvohid tarjimasi.
[1] Baqara surasi, 152-oyat.
[2] Niso surasi, 147-oyat.
[3] Ibrohim surasi, 7-oyat.
[4] Zumar surasi, 7-oyat.
[5] Ibn Hibbon rivoyati.
[6] Imom Buxoriy rivoyati.
[7] Imom Tabaroniy rivoyati.