Fitnalardan saqlanaylik!
Abu Muso Ash'ariy roziyallohu anhudan rivoyat qilinadi: “Rosululloh sollollohu alayhi vasallam:” “Albatta qiyomat oldidan kechaning zulmatli qismiga o'xshash fitnalar bo'ladi. O'shanda kishi mumin bo'lib tong ottirib, kofir bo'lib kech kiritadi. Mumin bo'lib kech kiritib, kofir bo'lib tong ottiradi. Unda o'tirgan turgandan yaxshi, turgan yurgandan yaxshi, yurgan harakat qilgandan yaxshidir. O'shanda komonlaringizni sindiring, (undagi) iplaringizni uzing va qilichlaringiz bilan toshni uring. Biringizning (uyiga) kirilsa, odam bolalarining yaxshisi kabi bo'ling”, dedilar” (Imom Ibn Moja rivoyati)
Hazrat Ashraf Ali Tahavoniy aytadilar: “ Hoji Soxib” “Do'stim hech kim bilan tortishma. Biror ishda janjal va tortishuv bo'lsa, u ishni tashlab ket”, deb vasiyat qilgan edilar. Mening odatim hamisha shu vasiyatga amal qilish bo'lgan.
Yana tortishmaslik muloyim bo'lishni takidan aytib dedilarki: “Tasavvuf ilmining usuliga chukur nazar solsangiz, hammasi tabiiy ilmardan ekani ma'lum bo'ladi. Tabiati salgina salomat bo'lgan odamning qalbiga ham o'z-o'zidan ulug'lar aytgan o'sha usul, qoidalar keladi.”
Yuqoridagi xadisga qarasak; Kamonni sindirib, uning ipini uzing. O'zingiz ham, o'zgalar ham kamon ipi bilan noxushlikka qo'l urmasin. Qilich yoki unga o'xshagan sovuq qurollarni toshga uring, o'tmas bo'lib yaroqsiz xolga kelsin. Bu xar qachon qayerda fitna chiqsa, albatta o'sha erni tark qiling deganidir alloh barchamizni fitnalardan saqlasin.
To'g'ri yo'lidan adashtirmasin.
Mashrabjon Qozoqov,
Mingbuloq tumani "Mulla Nazar oxun" jome masjidi imom-xatibi
Banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin
Adliya vazirligi Mikromoliya tashkiloti va bank faoliyatini o‘zgartirish tartibi to‘g‘risidagi nizomga o‘zgartirish va qo‘shimchalarni davlat ro‘yxatidan o‘tkazdi (ro‘yxat raqami 3656-1, 01.08.2026 y.), xabar bermoqda huquqiyaxborot Telegram kanali.
Mazkur idoraviy hujjat "O‘zbekiston Respublikasining ayrim qonun hujjatlariga O‘zbekistonda islomiy bank faoliyatini joriy etishga qaratilgan qo‘shimcha va o‘zgartirishlar kiritish to‘g‘risida" 2026 yil 27 martdagi O‘RQ–1126-son Qonunga muvofiq ayrim kredit tashkilotlari faoliyatini o‘zgartirishning quyidagi tartib-taomillarini belgilaydi:
- mikromoliya tashkilotini faqat islomiy bank faoliyatini amalga oshiruvchi mikromoliya bankiga o‘zgartirish;
- faqat islomiy bank faoliyatini amalga oshiruvchi mikromoliya bankini faqat islomiy bank faoliyatini amalga oshiruvchi bankka o‘zgartirish;
- faqat islomiy bank faoliyatini amalga oshiruvchi bankni faqat islomiy bank faoliyatini amalga oshiruvchi mikromoliya bankiga o‘zgartirish;
- faqat islomiy bank faoliyatini amalga oshiruvchi mikromoliya bankini mikromoliya tashkilotiga o‘zgartirish;
- bankni faqat islomiy bank faoliyatini amalga oshiruvchi bankka o‘zgartirish.
Shuningdek, o‘z faoliyatini faqat islomiy bank faoliyatini amalga oshiruvchi bankka o‘zgartirishga faqat islomiy bank faoliyatini amalga oshiruvchi mikromoliya banki haqli.
Mikromoliya bankini davlat ro‘yxatidan o‘tkazish va bank faoliyatiga doir tegishli litsenziya (litsenziyalar) olish uchun nogironligi bo‘lgan shaxslar uchun mikromoliya banki binolarida shaharsozlik normalari va qoidalarida belgilangan talablarga muvofiq qulay shart-sharoitlar yaratilganligi bo‘yicha Qurilish va uy-joy kommunal xo‘jaligi sohasida nazorat qilish inspeksiyasining xulosasi mavjud bo‘lishi kerak.
Tashabbus Fors ko‘rfazi mamlakatlaridan investitsiyalarni jalb qilishga qaratilgan bo‘lib, dastlabki hisob-kitoblarga ko‘ra, ushbu chora-tadbirlarni amalga oshirish iqtisodiyotga depozitlar va to‘g‘ridan to‘g‘ri investitsiyalar ko‘rinishida taxminan 1 milliard dollar jalb qilishi mumkin. Mutaxassislarning prognozlariga ko‘ra, 2035 yilga borib O‘zbekiston ushbu tizim ishga tushirilgandan beri dunyoda islom moliyasining eng tez o‘sishini namoyish etadi.
O‘zbekiston musulmonlari idorasi Matbuot xizmati
