Hamdardlik bildiramiz
O'zbekiston musulmonlari idorasi jamoasi "Shamsuddinxon Boboxonov" nashriyot-matbaa ijodiy uyida 45 yildan ziyod faoliyat yuritgan Solihova Rahima Karimjon qizining vafoti munosabati bilan marhumaning oila a'zolari va yaqinlariga chuqur ta'ziya izhor etadi.
Alloh taolo marhuma onaxonnni O'z mag'firatiga olsin, imonlarini salomat qilsin, solih amallarini o'zlariga hamroh etsin. Din rivoji, xalq ma'rifati va Vatan ravnaqi yo'lida qilgan barcha xizmatlarini Haq taolo qabul aylasin!
Haq taolo marhumaning barcha solih amallarini husni qabul aylab, O'z mag'firatiga olsin, barcha sahvu xatolarini kechirib, rahmatiga chulg'asin, qabrlarini jannat bog'chalaridan qilib, oxiratlarini obod aylasin!
Alloh taolo marhuma onaxonning ahli oilasi, farzandu arjumandlari va yaqinlariga chiroyli sabr berib, bu musibatlarini yaxshiliklar ila to'ldirsin.
O'zbekiston musulmonlari idorasi jamoasi nomidan Rahima Solihovaning oila a'zolari, yaqinlariga hamdardlik bildiramiz.
Innaa lillaahi va innaa ilayhi roji'uun.
«Musibat etganda «Albatta, biz Allohnikimiz va albatta, biz Unga qaytuvchimiz», degan sabrlilarga xushxabar bering».
O'zbekiston musulmonlari idorasi
Buxoroda ko‘zi ojiz bolajonlarga kuzgi kiyimlar ehson qilindi
«Vaqf» xayriya jamoat fondi Buxoro viloyati filiali tomonidan saxovatpesha homiylar ko‘magida Buxoro shahridagi 24-son “Nurli maskan” ko‘zi ojiz bolalar uchun ixtisoslashtirilgan maktab-internatida xayriya tadbiri tashkil etildi.
Tadbir davomida internatda ta’lim olayotgan bolajonlarga 120 dona kuzgi sport kiyimlari ehson qilindi.
Ushbu xayriya tadbiri orqali bolajonlarning kuzgi mavsumni yanada qulay va xushkayfiyatda qarshi olishlariga ko‘maklashildi.
O‘zbekiston musulmonlari idorasi Matbuot xizmati
