Sayt test holatida ishlamoqda!
27 Iyun, 2025   |   2 Muharram, 1447

Toshkent shahri
Tong
03:06
Quyosh
04:51
Peshin
12:31
Asr
17:41
Shom
20:03
Xufton
21:42
Bismillah
27 Iyun, 2025, 2 Muharram, 1447

Ugandada birinchi Afrika Qur'oni karim musobaqasi bo'lib o'tadi

10.07.2024   2076   1 min.
Ugandada birinchi Afrika Qur'oni karim musobaqasi bo'lib o'tadi

Joriy yilning oktyabr' oyida Uganda davlatida Qur'oni karim musobaqasi o'tkazilishi rejalashtirilgan.

Birinchi Afrika Qur'oni karim musobaqasini “Salam TV” telekanali tashkil etmoqda. Bu haqda IQNA sayti “Pulse” nashriga tayanib xabar bermoqda.

Telekanalning ma'lum qilishicha, ushbu dasturdan maqsad butun qit'a musulmonlarini birlashtirish, Qur'oni karim tilovati darajasini oshirish, qorilarning o'z iste'dodlarini namoyish etishiga ko'maklashish va Afrika xalqlari o'rtasida o'zaro do'stona munosabatlarni mustahkamlashga qaratilgan.

Mazkur musobaqada Afrika qit'asining 50 dan ortiq davlatlaridan ishtirokchilar qatnashishii kutilmoqda. Bu esa qit'adagi islom mamlakatlarida muhim voqeaga aylanadi.

 

O'MI xodimi Ilyosxon Ahmedov tayyorladi.

Dunyo yangiliklari
Boshqa maqolalar

Namozim buzildimi?

27.06.2025   2252   1 min.
Namozim buzildimi?

Savol: Masjiddagi jamoatda ba’zan oldingi safdagi odamning kiyimi kalta bo‘lgani uchun sajdada orqasi qisman ochilib qoladi va bexosdan unga ko‘zimiz tushib qoladi. Shu holatda tahorat yoki namozimiz buzilmaydimi?


Javob: Bismillahir Rohmanir Rohiym. Ulamolar tahorat va namozni buzuvchi omillarni birma-bir sanaganlar. Ular ichida birovning avratiga ko‘z tushib qolish sababli buziladi, degan gap yo‘q. Birovning, xoh ayolning, xoh erkakning avratiga qarash sababli bavl yoki biror suyuqlik chiqmasa, tahorat sinmaydi. Ammo bu degani qarash, nazar solish mumkin ekan, deb tushunmaslik kerak. Chunki bunday ishlar aslo mumkin emas.

Bir narsani yodda tutish lozimki, namoz o‘qish uchun tayyorlanayotgan inson namoz o‘qish asnosida avratlari ochilib qolmasligining chorasini ko‘rishi kerak bo‘ladi. Chunki bir rukn (farz amali) miqdoricha avratining to‘rtdan biri ochilib tursa, uning namozi buziladi. Vallohu a’lam.

 

O‘zbekiston musulmonlari idorasi
Fatvo markazi