MUROJAATLARNI HAL ETISh ChORALARI KO'RILDI
Bugun, 3 iyul chorshanba kuni O‘zbekiston musulmonlari idorasi Namangan viloyat bosh imom-xatibining birinchi o‘rinbosari Obidxon domla Ikramov hududlaridan kelgan fuqarolarni qabul qilib, ularning murojaatlarini ijobiy hal etish choralarini ko‘rdilar.
Qabul jarayonida fuqarolarning masjidlar holati, imom-xatiblar faoliyati, oilaviy masalalar, savdo-oldi sotdi kabi masalalar yuzasidan murojaatlari ko‘rib chiqildi.
Oilaviy munosabatlarda kelganlarga muammolar yechimi bo‘yicha maslahatlar, shar’iy masalalar yechimi yuzasidan esa tavsiyalar berildi.
Darhaqiqat, birovning dardini yengillatish, tashvishni oson bartaraf etilishiga hissa qo‘shish – savobi ulug‘ amaldir!
Zero, Rasululloh sollallohu alayhi va sallam: "... Kim birodarining hojatini ravo qilsa, Alloh uning hojatini ravo qiladi. Kim bir musulmonning tashvishni aritsa, Alloh uning Qiyomat kunidagi tashvishlaridan birini aritadi", deganlar (Imom Buxoriy rivoyati).
Ana shu nabaviy ta’limotga muvofiq, mutasaddilar bilan birga turli masalalar bilan murojaat qilgan fuqarolarning tashvishlari arishiga ko‘maklashildi. Iliq kutib olingan fuqarolar mutasaddilardan mamnun bo‘lib, murojaatlari ijobiy yechim topganidan mamnun bo‘ldilar.
Qabul jarayonlari hududlardagi barcha jome masjidlarida ham haftaning har chorshanba kuni imom-domlalar tomonidan amalga oshirilmoqda.
O‘zbekiston musulmonlari idorasi Namangan viloyati vakilligi Matbuot xizmati
Sietl shahri 1 sentyabrni “O‘zbekiston Mustaqilligi kuni” deb e’lon qildi
AQSHning Sietl shahri meri Keti B. Uilson 2026 yil 1 sentyabrni “O‘zbekiston Mustaqilligi kuni” deb rasman e’lon qildi. Bu haqda shahar meri tomonidan imzolangan maxsus proklamatsiyada qayd etilgan.
Hujjatda O‘zbekiston mustaqilligining 35 yilligi, mamlakatning shu davr mobaynida suverenitet, taraqqiyot va keng ko‘lamli o‘zgarishlar yo‘lini bosib o‘tgani alohida ta’kidlangan.
Shuningdek, proklamatsiyada O‘zbekistonning Markaziy Osiyodagi eng ko‘p aholiga ega davlat ekani, iqtisodiyot yillik 5–6 foiz atrofida o‘sib borayotgani, ochiq bozor va xalqaro hamkorlikni rivojlantirishga intilayotgani qayd etilgan.
Hujjatda O‘zbekistonning qadimiy Ipak yo‘li markazida joylashgani va bugungi kunda 100 milliondan ortiq iste’molchini qamrab oluvchi mintaqaga strategik darvoza vazifasini bajarayotganiga ham urg‘u berilgan. Bu esa savdo, investitsiya, logistika, texnologiya va energetika sohalarida Sietl biznes hamjamiyati bilan hamkorlik uchun katta imkoniyat sifatida baholangan.
Bundan tashqari, O‘zbekistonning Sietldagi Bosh konsulligi faoliyati ikki tomon o‘rtasida odamlar, biznes va davlat idoralari darajasida uzoq muddatli aloqalarni mustahkamlashga xizmat qilishi ta’kidlangan.
https://t.me/Rasmiy_axborot_official
