30 iyun – “Yoshlar kuni” munosabati bilan O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining Diniy idora tizimida xizmat qilayotgan yoshlarga murojaatnomasi Qoraqalpog‘iston musulmonlari qoziyoti, Toshkent shahri va viloyatlar vakilliklari mutasaddilari tomonidan hududlarda diniy sohada mehnat qilayotgan yoshlarga o‘qib eshittirildi.

Murojaatnomada so‘nggi yillarda mamkatimizda barkamol avlodni qo‘llab-quvvatlash, ularga keng imkoniyatlar yaratish borasida keng ko‘lamli ishlar qilinayotgani, o‘z navbatida, kelajagimiz vorislari ham bunday imkoniyatlardan foydalangan holda ko‘plab yutuqlarga erishayotgani ta’kidlangan.
Shuningdek, dinimizda navqiron o‘g‘il-qizlarga katta e’tibor qilingani, bu borada oyatu karima, hadisi shariflar borligi qayd etilib, farzandlarimizni ilmu ma’rifat egallash, ona Vatan ravnaqi va muborak dinimiz rivoji yo‘lida sobitqadam bo‘lishga chaqirilgan.

O‘tkazilgan tadbirlarda 30 iyun – “Yoshlar kuni” munosabati bilan vakilliklar tomonidan yoshlarga estalik sovg‘alari topshirildi va dasturxon tashkil etildi.

O‘zbekiston musulmonlari idorasi Matbuot xizmati