Bosniya va Gertsegovinadagi tarixiy Senan Bey masjidi Turkiya tomonidan taʼmirlanib, foydalanishga topshirildi.

1992–1995 йиллардаги Босния ва Герцеговина уруши чоғида серб қўшинлари томонидан вайрон қилинган тарихий Сенан Бей масжиди Туркия томонидан асл режага кўра таъмирланиб, очилди, деб ёзади ИҚНA сайти “Aнадолу”га таяниб.

Chaynich shahrida joylashgan Senan Bey masjidi dastlab Usmonlilarning mashhur meʼmori Senan Bey tomonidan qurilgan.

Masjid 1992 yil 8 iyunь kuni Bosniya urushi paytida serb kuchlari tomonidan vayron qilingan edi. Uni taʼmirlash ishlari 2016 yilda boshlangan edi. Sakkiz yillik bunyodkorlik ishlaridan soʼng tarixiy masjid namozxonlar uchun yana qayta ochildi.

Masjidni qayta tiklash loyihasi Turk vaqflari Bosh boshqarmasi hamda Bosniya va Gertsegovina Islom jamiyati tomonidan hamkorligida amalga oshirildi.

Mazkur loyiha nafaqat masjidga qaratilgan, balki uning asl qiyofasini tiklash uchun hududni obodonlashtirishni ham oʼz ichiga olgan.

Bosniya muftiysi Ramzi Pitich masjidni taʼmirlash va qayta tiklash muhimligini taʼkidlab, ushbu masjidning ochilishiga tayyorgarlik ishlari yakunlanganini eʼlon qildi.

Uning taʼkidlashicha, Senan Bey masjidi Gorazd viloyatida soʼnggi 10 yil ichida ochgan uchinchi masjid boʼlib, uni qayta tiklash Chaynicaga yangi hayot baxsh etadi va bosniyaliklarga masjidga tashrif buyurish uchun yangi sabab va motivatsiya beradi.

Oʼzbekiston musulmonlari idorasi Matbuot xizmati