Hojilar tashabbusidan aholi mamnun
Hojilarimizning “Yangi O‘zbekistonning fidoyisi bo‘lib, ma’naviyat targ‘ibotchisiga aylanamiz” degan tashabbuslarini amaliyotga joriy etish bo‘yicha 18 iyul kunidan Toshkent shahrida va 22 iyul kunidan respublikamizning barcha hududlarida tadbirlar boshlandi.
Hududiy hokimliklar, Din ishlari bo‘yicha qo‘mita, O‘zbekiston musulmonlar idorasi, O‘zbekiston mahallalari uyushmasi tomonidan har bir hudud bo‘yicha hojilarni o‘z mahallalaridagi ijtimoiy himoyaga muhtoj, profilaktik hisobda turuvchi, kam ta’minlangan, boquvchisini yo‘qotgan, notinch oila, ajrim yoqasida turgan fuqarolarga biriktirish ishlari tashkil etildi.
Xususan Qoraqalpog‘iston Respublikasi tumanlarida faoliyat yuritayotgan imom xatiblar va noiblar, MFY raislari va “Haj-2024” safariga borib kelgan hoji ota va hoji onalar, shuningdek, Farg‘ona viloyati bosh imom-xatibi Ubaydullo domla Abdullayevning ko‘rsatmasiga asosan Farg‘ona va Quvasoy shaharlari hamda Dang‘ara va Rishton tumanlarida faoliyat yuritayotgan imom-xatiblari bilan birgalikda haj safariga borib kelgan hoji ota va hoji onalar bilan hamkorlikda shahar va tumanlardagi mahallalarda istiqomat qiluvchi ijtimoiy himoyaga muxtoj, nogiron, profilaktik hisobda turuvchi oilalar holidan xabar olib, ehtiyojmand oilalarga xayriya va ehsonlar ulashdilar.
Biriktiruvga asosan, 22 iyul kuni Andijon viloyatida 118 ta, Buxoro viloyatida 28 ta, Jizzax viloyatida 106 ta, Navoiy viloyatida 5 ta, Namangan viloyatida 48 ta, Samarqand viloyatida 59 ta, Sirdaryo viloyatida 38 ta, Surxondaryo viloyatida 34 ta, Toshkent viloyatida 80 ta, Farg‘ona viloyatida 25 ta, Xorazm viloyatida 52 ta, Qashqadaryo viloyatida 29 ta, Toshkent shahrida 59 ta tadbirlar o‘tkazildi. Toshkent tajribasi asosida boshqa hududlarda ham ishni tashkil etish bugungi kundan amaliyotga joriy etildi.
Respublika ishchi guruhi tomonidan mahalla raislari, faollari, imom-xatiblar, hojilarga mahallalarda amalga oshiriladigan tadbirlar bo‘yicha tushuntirish ishlari olib borildi.
Hududlarda hojilar ishtirokida 711 ta xonadonlar holidan xabar olinib, mahalla raislari, imom-xatiblar bilan birgalikda suhbatlar tashkil etildi.
Mahallalardagi kam ta’minlangan, boquvchisini yo‘qotgan, ehtiyojmand oilalarga hojilar tomonidan moddiy yordam, oziq-ovqat mahsulotlari taqdim etildi.
O‘zbekiston musulmonlari idorasi Matbuot xizmati
HAMDARDLIK
O‘zbekiston musulmonlari idorasi jamoasi Surxondaryo viloyati vakilligida muxtasib vazifasida ko‘p yillar fidokorona faoliyat yuritib, viloyatdagi masjidlar va ziyoratgohlar obodligiga, diniy-ma’rifiy ishlar rivojiga ulkan hissa qo‘shgan xodim Abduvohid Majitovning vafoti munosabati bilan marhumning oila a’zolari va yaqinlariga ta’ziya bildiradi.
Abduvohid Majitov umrining oxirgi kunlariga qadar Termiz shahridagi "Sulton Saodat" majmuasida diniy xodim sifatida elga xizmat qilib keldi.
Alloh taolo marhumning barcha solih amallari, din yo‘lidagi xayrli xizmatlarini husni qabul aylab, oxiratini obod, jannatdagi darajalarini yuksak qilsin. Barcha yaqinlari va oila a’zolariga go‘zal sabr, ajru mukofotlar ato etsin.
Inna lillahi va inna ilayhi roji’un.
O‘zbekiston musulmonlari idorasi
