Arafa ro‘zasi | Saharlik-iftorlik vaqtlari
Agar Zulhijja oyi boshlanganidan buyon ro‘za tutishga imkon topmagan bo‘lsangiz, ertaga 30 iyul kuni – Arafa ro‘zasini o‘tkazib yubormang.
Bu ro‘za o‘tgan va keyingi yildagi kichik gunohlarga kafforat bo‘ladi, ularni o‘chiradi, insha Alloh.
Arafa kuni Arafotda turgan hojilardan boshqa musulmonlarning ro‘za tutishi sunnati muakkada.
عَنْ أَبِي قَتَادَةَ الْأَنْصَارِيِّ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ سُئِلَ عَنْ صَوْمِ يَوْمِ عَرَفَةَ فَقَالَ: يُكَفِّرُ السَّنَةَ الْمَاضِيَةَ وَالْبَاقِيَةَ.
Abu Qatoda Al-Ansoriy roziyallohu anhuning hadisi: “Rosululloh sollallohu alayhi va sallamdan Arafa kuni ro‘zasi haqida so‘rashgandi, “U o‘tgan va keyingi yil(dagi kichik gunohlar)ga kafforat bo‘ladi”, deb javob berdilar”. Muslim (1162/2636).
وَفِي رِوَايَةٍ لَهُ، أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ: صِيَامُ يَوْمِ عَرَفَةَ أَحْتَسِبُ عَلَى اللهِ أَنْ يُكَفِّرَ السَّنَةَ الَّتِي قَبْلَهُ، وَالسَّنَةَ الَّتِي بَعْدَهُ
Yana Abu Qatoda Al-Ansoriy roziyallohu anhudan rivoyat qilinadi: “Nabiy sollallohu alayhi va sallam: “Arafa kuni ro‘zasi undan oldingi bir yil va keyingi bir yil(lik gunohlar)ga kafforat bo‘lishini Allohdan umid qilaman”, dedilar”. Muslim (1162/2635), Abu Dovud (2425), Termiziy (749).
30 iyul Toshkent vaqti bilan:
Og‘iz yopish: 03:44;
Og‘iz ochish: 19:42
Toshkentdan boshqa shaharlardagi vaqtlar farqi (daqiqa):
Avval: Chimkent (-1), Konibodom (-5), Xo‘jand (-6), Qo‘qon (-7), Jambul (-7), Namangan (-10), Farg‘ona (-10), Marg‘ilon (-10), Andijon (-11), O‘sh (-14), Jalolobod (-15), Bishkek (-21), Olma – ota (-21)
Keyin: Bekobod (+4), Turkiston (+4), Jizzax (+6), Guliston (+7). Denov (+7), Jomboy (+7), Samarqand (+9), Shahrisabz (+10), Kattaqo‘rg‘on (+12), Qarshi (+12), Nurota (+14), Navoiy (+19), Buxoro (+21), Xiva (+35), Nukus (+42)
Akademiya rektori «Do‘stlik», Islom sivilizatsiyasi markazi direktori «Fidokorona xizmatlari uchun», akademiya professori «Imom Buxoriy» ordenlari va «Ziyo» media markazi rahbari «Shuhrat» medali bilan taqdirlandilar
O‘zbekiston Respublikasi Prezidentining farmoniga muvofiq, O‘zbekiston Respublikasi davlat mustaqilligining o‘ttiz besh yilligi munosabati bilan turli sohalar vakillari faxriy unvonlar, ordenlar va medallar bilan mukofotlandilar.
Xususan, O‘zbekiston Respublikasi Prezidentining diniy-ma’rifiy masalalar bo‘yicha maslahatchisi, O‘zbekiston xalqaro islomshunoslik akademiyasi rektori Kamilov Muzaffar Muratovich "Do‘stlik" ordeni bilan, O‘zbekistondagi Islom sivilizatsiyasi markazi direktori Abduxalikov Firdavs Fridunovich «Fidokorona xizmatlari uchun» ordeni bilan, mazkur akademiyaning "Arab tili va adabiyoti al-Azhar" kafedrasi professori Islomov Zohidjon Mahmudovich «Imom Buxoriy» ordeni bilan va akademiya huzuridagi "Ziyo" media markazi direktori Muxtarov Abduxamid Abduaxatovich "Shuhrat" medali bilan taqdirlandilar.
O‘zbekiston musulmonlari idorasi jamoasi doimiy hamkor tashkilotlarimiz rahbarlari va ustozlarni mazkur yuksak mukofotlar bilan muborakbod etib, Alloh taolodan mamlakatimiz taraqqiyoti, xalqimiz farovonligi va muborak dinimiz rivoji yo‘lidagi faoliyatlarida yangidan-yangi muvaffaqiyatlar tilaymiz.
O‘zbekiston musulmonlari idorasi Matbuot xizmati
