O‘zbekiston musulmonlari idorasi tasarrufidagi Toshkent islom instituti qayta tiklash va zarur hollarda uzoq yillar oldin diniy ta’lim muassasasini tamomlab, diplom olmagan shaxslarga diplom berish masalalari bo‘yicha ishchi guruh 2020 yil 15 iyuldan 5 avgustga arizalar qabul qilishini e’lon qiladi.

Talabalar o‘qishini qayta tiklash va diplom berish O‘zbekiston musulmonlari idorasining 2019 yil 2 oktyabrdagi 01A/152-sonli buyrug‘i bilan tasdiqlangan “Oliy va o‘rta maxsus islom ta’lim muassasalari talabalarini o‘qishini ko‘chirish, qayta tiklash va talabalar safidan chetlatish to‘g‘risida” Nizomga muvofiq amalga oshiriladi.

Koronavirus pandemiyasi oqibatida yuzaga kelgan vaziyatni inobatga olib, o‘qishni qayta tiklash va diplom berish jarayonini tashkil etishda Toshkent islom instituti tomonidan tashkil etilgan ishchi guruh Nizomga muvofiq 2020 yil 15 iyuldan 5 avgustga qadar bo‘lgan muddatda hujjatlarni onlayn rejimda @aloqa_mahadbot telegram boti orqali qabul qiladi.

O‘qishni qayta tiklash va diplom olish istagini bildirgan (uzok yillar oldin institutni tamomlab, diplom olmagan) fuqarolardan quyidagi hujjatlar talab etiladi:

– institut rektori nomiga ariza;
– o‘qigan davridagi reyting daftarchasi nusxasi;
– pasport nusxasi.
Zarur hollarda qo‘shimcha ravishda quyidagi hujjatlar talab etiladi:
– Toshkent islom instituti tomonidan berilgan ma’lumotnoma (faqat o‘qishni tugatib, diplom olmaganlarga berilgan);
– Fuqarolarning o‘zini qo‘lida mavjud bo‘lgan (o‘qiganini tasdiqlovchi) asosli boshqa hujjatlar.

ESLATMA

Ishchi guruh ko‘rib chiqilgan va yetarli asosga ega bo‘lgan hujjatlarni O‘zbekiston musulmonlari idorasining Maxsus komissiyasiga taqdim etadi. O‘z navbatida Maxsus komissiyasi arizalarni 10 avgustdan 25 avgustga qadar ko‘rib chiqadi va tegishli qaror qabul qiladi.

O‘qishdan chetlatilganligiga 5 yildan ortiq muddat bo‘lgan shaxsning o‘qigan davridagi fanlar bilan amaldagi o‘quv rejadagi fanlar bo‘yicha farqlar 4 tadan oshgan taqdirda O‘zbekiston musulmonlari idorasining Maxsus komissiyasi bir semestr yoki bir kurs pastga qayta tiklash bo‘yicha qaror qabul qilishi mumkin.

Fuqarolarning o‘qigan davri uchun o‘quv shaklidan qat’i nazar, talabalar safiga qayta tiklash kunduzgi ta’lim shakliga to‘lov-kontrakt asosida ruxsat etiladi.

Talabalar o‘qishini qayta tiklash va diplom berish jarayonida arxiv hujjatlar to‘liq bo‘lmagan yoki ularga o‘zgartirishlar kiritilgan, shuningdek, ma’lumotlar o‘rnatilgan tartibda tasdiqlanmagan holatlarda ishchi guruh fuqarolar murojaatini rad etadi.

Ishchi guruh 2020 yil 15 iyuldan 5 avgustga qadar soat 10:00 dan 17:00 gacha faoliyat yuritadi.

Murojaat uchun telefon: (71) 227-42-37.
Mas’ul: U.Bahodirxonov (99) 410-00-10.