Shoshiling, Hadis ilmi maktabida o‘qish imkoniyatini qo‘ldan boy bermang!
Avval xabar berganimizdek, joriy yilning 20 iyunidan O‘zbekiston musulmonlari idorasi tasarrufidagi oliy va o‘rta maxsus islom ta’lim muassasalariga 2020-2021 o‘quv yili uchun abituriyentlarning hujjatlarini qabul.muslim.uz portali orqali onlayn qabul qilish jarayonlari boshlangan edi.
Hadis ilmi maktabi oliy diniy ta’lim muassasasiga o‘qish uchun abituriyentlarning hujjatlarini qabul qilish 10 iyul kuni soat 20:00 ga qadar davom etishini ma’lum qilamiz.
Hadis ilmi maktabining ushbu o‘quv yildagi abituriyentlar uchun qanday imkoniyatlar mavjud?
Birinchidan, Hadis ilmi maktabiga abituriyentlarni hujjatlarini qabul qilish muddati boshqa oliy diniy ta’lim muassasalari (Toshkent islom instituti va Mir Arab oliy madrasasi)dan farqli o‘laroq, 10 kun oldin yakunlanishini inobatga olib, Maktab abituriyentlari joriy yilning 15 iyuliga qadar barcha qabul imtihonlariga ishtirok etishadi.
Ikkinchidan, Qabul imtihonlari natijalari imtihondan so‘ng tezda e’lon qilinishini inobatga olib, Maktab abituriyentlari imtihon natijalaridan ko‘ra kirish uchun yetarli ball to‘play olmagan taqdirda, 20 iyulga qadar boshqa oliy diniy ta’lim muassasasi (Toshkent islom instituti va Mir Arab oliy madrasasi)ga hujjat topshirish hamda qabul imtihonlariga qayta ishtirok etish imkoniyatiga ega bo‘lishadi.
Uchinchidan, Hadis ilmi maktabiga kirish uchun yetarli ball to‘playmagan abituriyentlar qabul imtihonlariga qatnashish orqali boshqa oliy diniy ta’lim muassasasiga kirish uchun qabul imtihonlari bo‘yicha tajriba hosil qiladilar.
Demak, Hadis ilmi maktabi abituriyentlari bir yilda ikkita oliy diniy ta’lim muassasasiga hujjat topshirib, imtihon jarayonlariga ishtirok etish imkoniyatiga ega bo‘ladilar.
Hadis ilmi maktabiga abituriyentlar quyidagi hujjatlarni taqdim etadi:
- Pasport (elektron shakli);
- O‘rta maxsus islom ta’lim muassasasini tamomlaganlik to‘g‘risidagi hujjat (diplom) elektron shaklda;
- 1 dona rangli fotosurat (3x4 hajmdagi) elektron shaklda.
Abituriyentlar hujjatlarni masofaviy tarzda qabul.muslim.uz portali orqali topshirishadi.
Hujjatlarni qabul qilishning oxirgi muddati: 2020 yil 10 iyul soat 20:00 ga qadar.
Hadis ilmi maktabiga qabul imtihon fanlari:
- “Hadis va Mustalahul hadis” (ijodiy imtihon) 93 ball;
- “Arab tili” (ijodiy imtihon) 63 ball;
- “O‘zbekiston tarixi” (test) 30 ta savol, har bir to‘g‘ri javobga 1.1 ball beriladi, jami 33 ball.
Hadis ilmi maktabi koll markaz telefon raqami: (+99866) 240 20 51
Shuningdek, Hadis ilmi maktabi qabul jarayonlari to‘g‘riisdagi to‘liq ma’lumotni hadith.uz sayti va uning ijtimoiy tarmog‘laridagi manzillari orqali olishingiz mumkin.
Misr OAV: O‘zbekiston – islom sivilizatsiyasining global markazi
Misrning nufuzli ommaviy axborot vositalarida Toshkentda o‘tkazilgan Xalqaro mediaforum yakunlari va O‘zbekistonning islom sivilizatsiyasi global markazi sifatidagi roliga bag‘ishlangan maqolalar chop etildi, deb xabar bermoqda “Dunyo” AA muxbiri.
Xususan, “Al Montasaf” nashri forum 40 ta mamlakatdan 200 nafardan ortiq jurnalist va OAV vakillarini birlashtirib, O‘zbekistonning madaniy va ma’naviy mash’al sifatidagi maqomini namoyish etgani haqidagi fikrni keng yoritmoqda.
Shuningdek, “Eldameer” nashri Toshkentdagi Islom sivilizatsiyasi markazi faoliyatiga e’tibor qaratgan. Markaz qadimiy qo‘lyozmalarni, jumladan, mamlakatda saqlanayotgan Mus'hafning eng qadimiy nusxalaridan birini tadqiq etish va nashr qilishda nashriyotlarga amaliy yordam ko‘rsatmoqda.
Ushbu keng ko‘lamli madaniy va ma’rifiy yuksalish O‘zbekiston Prezidenti Shavkat Mirziyoyev tomonidan ko‘rsatilayotgan yuksak e’tibor va qo‘llab-quvvatlash tufayli mumkin bo‘lgani ta’kidlanadi.
Bundan tashqari, “Eldameer” nashri sahifalarida sodir bo‘layotgan uyg‘onishning tarixiy ahamiyati qayd etilib, O‘zbekiston rahbari shafeligida islom mamlakatlari yoshlari o‘rtasida ilmiy-tadqiqot tanlovini tashkil etish tashabbusi ilgari surildi.
Tadbirning boy dasturi, jumladan, ishtirokchilarning buyuk muhaddis Imom Al-Buxoriy maqbarasini ziyorat qilish uchun Samarqandga rejalashtirilgan tashrifi ham yoritilgan.
O‘zbekiston musulmonlari idorasi Matbuot xizmati
