Kanadaning Ontario shtati Mississauga shahrida Payg'ambar sollollohu alayhi vasallamning siyrati sharifiga bag'ishlangan ko'rgazma bo'lib o'tadi. Unda Nabiy alayhissalom va u zotning sahobalariga tegishli bo'lgan 16 ta asar o'rin olgan. Bu haqda “IQNA” sayti ma'lum qilgan.

Ko'rgazma tashkilotchilari aytishicha, tadbirdan maqsad odamlarga Muhammad sallollohu alayhi vasallam hayoti haqida ma'lumot berishdir.

Kanada Jahon Malay Jamiyati (DMCC) tomonidan tashkil etilgan ko'rgazma 30 sentyabr' juma kunidan 1 oktyabr' yakshanba kuniga qadar Mississauga, Ontario xalqaro markazida davom etadi.

DMCC a'zolari qayd etishicha: “Ushbu ko'rgazma tashrif buyuruvchilarga Payg'ambar sallollohu alayhi vasallamga tegishli buyumlar, turli ashyo va asarlar, ularning audio va video tasvirlari, shuningdek, mazkur asarlarning hikoyalari va tarixi orqali Payg'ambarimiz merosi va U zotning Islomni ravnaq toptirish borasidagi hayot tarzi tanishtiriladi".

O'zbekiston musulmonlari idorasi
Matbuot xizmati