Sayt test holatida ishlamoqda!
18 May, 2025   |   20 Zulqa`da, 1446

Toshkent shahri
Tong
03:25
Quyosh
05:02
Peshin
12:24
Asr
17:26
Shom
19:41
Xufton
21:11
Bismillah
18 May, 2025, 20 Zulqa`da, 1446

Muftiy hazratlari: Ikki qardosh xalq bir-biriga faqat yaxshilikni ravo ko‘radi

26.06.2020   2829   2 min.
Muftiy hazratlari: Ikki qardosh xalq bir-biriga faqat yaxshilikni ravo ko‘radi

O‘zbekiston musulmonlari idorasi raisi, muftiy Usmonxon Alimov hazratlari va Din ishlari bo‘yicha qo‘mita raisi Abdug‘ofur Ahmedov boshchiligidagi O‘zbekiston delegatsiyasining Qirg‘iziston davlatiga safarlari davom etmoqda.
Kunning ikkinchi yarmida delegatsiya a’zolari Qirg‘iziston Chashma qishlog‘i aholisi bilan uchrashib, ma’rifiy suhbatlar o‘tkazdilar. Uchrashuvda muftiy Usmonxon Alimov hazratlari ikki qardosh xalq o‘rtasidagi ko‘p asrlik do‘stlik, yaxshi qo‘shnichilik munosabatlari yildan-yilga rivoj topib borayotgani, muborak dinimizda qo‘shnichilik rishtalariga alohida e’tibor berilgani hamda qo‘shniga yaxshilik qilish haqida qo‘plab tavsiyalar kelgani haqida Qur’oni karim oyatlari va hadisi shariflar asosida bayon qilib berdilar. Shuningdek, Qur’oni karimni mahkam tutsak, musulmon, mo‘min ekanligimizni unutmasak, hech qachon oramizga begona kuchlar kirolmaydi. Mo‘min mo‘minga faqat yaxshilikni ravo ko‘radi, – deya muftiy hazratlari o‘z so‘zlarini yakunladilar.
Muloqotda Din ishlari bo‘yicha qo‘mita raisi Abdug‘ofur Ahmedov so‘zga chiqib, muhtaram Prezidentimiz Shavkat Mirziyoyev qo‘shni respublikalar bilan yaxshi qo‘shnichilik aloqalarini mustahkamlash va mintaqa birligini ta’minlashga juda katta e’tibor qaratayotganlarini alohida ta’kidladi.
Uchrashuvda so‘zga chiqqan mutasaddilar va mahalliy aholi o‘zbek va qirg‘iz zamini azaldan bir tanu bir jon ekani, bugungi yaxshi qo‘shnichilik munosabatlari, albatta davom etishi, kelajak avlod ham ahillikda, totuvlikda, yaxshi qo‘shnichilik munosabatlarini saqlagan holda farovon hayot kechirishini ta’kidladilar.
Shubhasiz, so‘nggi yillarda ikki davlat rahbarlarining ko‘plab masalalarda hamfikrligi, intilishlarining mushtarakligi tufayli barcha sohalardagi hamkorlik aloqalari yanada mustahkamlandi.
O‘z navbatida, samimiy ruhda kechgan muloqotlarda ikki xalq aholisi azaliy qadriyatlarni saqlab qolishga birdek harakat qilishi, ikki davlat Rahbari olib borayotgan odilona siyosatni qo‘llab-quvvatlashi, albatta, shu muborak, jannatmakon joylarda tinch-xotirjam hayot kechirishga asos bo‘lishi alohida qayd etildi.
O‘zbekiston delegatsiyasining qalbdan chiqqan samimiy so‘zlari mahalliy aholining kayfiyatini ko‘tardi, ruhiy quvvat berdi, o‘zaro qo‘shnichilik aloqalarini mustahkamalashga katta asos bo‘ladi.
Muloqotlar yakunida tomonlar bir-birlariga esdalik sovg‘alari taqdim etdilar.

 

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar

Allohning yordami yaqin

16.05.2025   3310   3 min.
Allohning yordami yaqin

Ibn Javziy rahimahulloh aytadi: “Bir ajoyib holat haqida fikr yuritdim: ba’zida mo‘minning boshiga bir ish tushsa, u astoydil duo qiladi, ammo duolarining ijobati ko‘rinmaydi. Umidsizlikka tushay deganda, uning qalbiga qaraladi. Agarda u Allohning fazlidan umidini uzmagani holda taqdiriga rozi bo‘lsa, duoning ijobati tezlashadi. Bu ma’nolar Alloh taolo nozil qilgan oyati karimada o‘z ifodasini topgan: «...Hatto Payg‘ambar va iymonli kishilar: “Allohning yordami qachon (kelar ekan)?» degan edilar. Ogoh bo‘lingki, Allohning yordami (hamisha) yaqindir”»[1].

Shunday holat Ya’qub alayhissalom bilan ham bo‘lgan. U zotning o‘g‘illari Yusuf alayhissalom dom-daraksiz yo‘qolib qolganida, kushoyish kelishidan noumid bo‘lmaganlar. Keyingi o‘g‘illari ham tortib olinganida, u zot Allohning fazlidan umidlarini uzmaganlari holda: «...Shoyadki, Alloh ularning (Yusuf, Binyamin va Misrda qolgan o‘g‘limning) barchalarini (bag‘rimga) qaytarsa...»[2], deganlar.

“Duoyimning ijobat bo‘lish muddati uzayib ketdi”, deb qayg‘urmang. Alloh taolo sizning tazarruingiz, yalinib-yolvorishlaringizni ko‘rishni iroda qilmoqda. Sizni qilgan sabringizga ajr ila mukofotlamoqchi. Siz shayton bilan jang qilishingiz uchun ham duoyingizning ijobatini kechiktirish ila sizni sinayapti.

Gohida Alloh taolo sizning aziymat, qat’iyatingiz naqadar quvvatli ekani va baloga qanchalik sabrli ekaningizni ko‘rish uchun ham dard berib imtihon qiladi. Agar sabr qila olsangiz, demak, siz itoatkor bandalar safidasiz. Bordi-yu, irodasizlik qilsangiz, ziyonkorlardan bo‘lasiz. Sabrdan keyin faqat va faqat yechim, yorug‘ kunlar bor.

Aliy ibn Abu Tolib roziyallohu  anhu: “Sabr qilsang, ajrga ega bo‘lasan, baribir yozilgani bo‘ladi. Sabrsizlik qilsang, gunohkor bo‘lib qolasan, baribir yozilgani bo‘ladi”, deganlar.

Shoir aytadi:

Baloyu imtihon kelsa, alarga har on rizo ko‘rsat,
Sinov bergan sihatni ham O‘zi bergay aniq, albat.
Bandasiga ne hukm etsa, hikmati bor, itoat qil,
Bitganidan qutulmoqlik chorasizdir, bil, ey g‘ofil!
Noumidlik xanjarini ko‘kragingga urma ammo,
Ki Allohning qudratila yechilgaydir har muammo.

 Allohdan umidingizni uzmang. Sinovlarga sabr qiling, shundagina ulkan ajrlarni qo‘lga kiritasiz. Fazl ibn Sahl aytadi: “Kasalliklarda ne’matlar bor”. Bu borada quyidagilarga e’tiborli bo‘ling:

– gunohlardan tozalash;
– savobni qo‘lga kiritish;
– g‘aflatdan uyg‘onish;
– sog‘lik ne’matini eslab qo‘yish;
– tavbaga shoshilish.

Hasson Shamsiy Poshoning
“Jannat bo‘stonidagi oilaviy oqshomlar” nomli kitobidan
G‘iyosiddin Habibulloh, Ilhom Ohund, Abdulbosit Abdulvohid tarjimasi.


[1]  Baqara surasi, 214-oyat.
[2]  Yusuf surasi, 83-oyat.