Olma-ota shahrida Qur’on hofizlarining ІX Respublika tanlovi bo‘lib o‘tadi. U Qozog‘iston musulmonlari diniy idorasi tashabbusi bilan tashkil etilmoqda.
Tanlov ishtirokchilari 4 ta toifa: Qur’onning butun matnini tilovat qilish, Qur’onning 2/3 qismini tilovat qilish, Qur’onning 1/3 qismini tilovat qilish va tajvid qoidalariga muvofiq Qur’onni tilovat qilish bo‘yicha bellashadilar.
Tanlov g‘olibi bosh sovrin - avtomobilga ega bo‘ladi. Boshqa g‘oliblar uchun ham pul mukofotlari taqdim etiladi.
Tanlovda ilgari Qur’oni Karim hofizlarining milliy va xalqaro tanlovlarida ishtirok etmagan 30 yoshgacha bo‘lgan Qozog‘iston fuqarolari qatnashishlari mumkin.

O‘zbekiston musulmonlari idorasi matbuot xizmati