Braziliya musulmon sayyohlarni jalb qilishga intilmoqda
31.01.2024
3001
2 min.
Eng yirik halol go'sht import qiluvchi davlat Braziliya musulmon sayyohlarni jalb qilishga intilmoqda. Hozircha Janubiy Amerika davlatiga musulmonlar ko'p bo'lgan mamlakatlardan kelganlar soni ancha past. Masalan, Braziliyaning yirik iqtisodiy markazi San-Paulu 2023 yilda arab davlatlaridan bor-yo'g'i 21 ming sayyohni qabul qilgan.
Halqaro Halol Akademiyasi bosh kotibi Ali Zag'biy “Arab News” nashriga bergan inter'vyusida San-Paulu shtati, poytaxt joylashgan Federal okrugni musulmonlar uchun sayyohlik maskaniga aylantirish uchun harakat qilinmoqda.
San-Paulu aholisi juda xilma-xil bo'lib, ko'p asrlik musulmon jamoasi va bir nechta masjidlarni o'z ichiga oladi. U Braziliyaning asosiy darvozasi va Islom olamidan kelgan ishbilarmonlar uchun eng muhim manzildir.
“Biz musulmonlar uchun sayohat bo'yicha qo'llanmani ishlab chiqdik. Unda mintaqadagi masjidlar, musulmonlar ko'p bo'lgan mamlakatlar konsulligi va turistlarni jalb qiluvchi diqqatga sazovor joylar haqida ma'lumotlar bor”, – dedi turizm bo'yicha davlat koordinatori Ana Klemente.
Dastur boshlanganidan buyon San-Paulu shahridagi etakchi mehmonxona musulmonlarni qabul qilish sertifikatiga ega bo'ldi. Bu borada yana ikki mehmonxona faoliyat olib bormoqda.
“Mehmonxonalarda qibla yo'nalishi bo'yicha belgilarni joylashtirish, musulmon mehmonlar uchun xonalardan spirtli ichimliklarni olib tashlash, shuningdek, taomlar menyusidan cho'chqa go'shtini olib tashlash kabi ba'zi o'zgarishlar talab etiladi”, dedi Zag'biy.
Hayekning qo'shimcha qilishicha, halol tamaddixonalar etishmasligi Braziliyaning katta qismida baliq va dengiz mahsulotlarining keng tarqalishi bilan qoplanishi mumkin.
O'zbekiston musulmonlari idorasi
Matbuot xizmati
MА`LUMOTNI IJTIMOIY TАRMOQLАRDА ULАSHING
Iymon 
Namoz 
Ro'za 
Zakot 
Haj 
Qur'on 
Islom saboqlari 
Aloqa 
