Ibn Xaldun aytadilar: “Agar odamlar balo-ofat vaqtida kulguli gaplarni ko‘p so‘zlashganlarini ko‘rsang, kambag‘allik ularni chulg‘ab, g‘aflat, qullik va xorlikdagi qavm ekanlarini bilgin”.

Bunday sinovlar paytida Allohning azamati va qudratini masxara so‘zlar bilan qarshi olmaslik kerak. Barchamiz bilib olaylik, u (karonavirus) Allohning askarlaridan biridir. Shu bois, Allohdan yanada ko‘proq ofiyat va salomatlik so‘rash lozim.

Alloh taolo bunday marhamat qiladi: “Bizning baloimiz yetganda ham tazarru qilmadilarmi?! (Albatta tavba-tazarru qilishlari lozim edi), lekin ularning dillari qotib qolgan va shayton ularga o‘zlari qilib yurgan ishlarini chiroyli ko‘rsatib qo‘ygandir” (An’om surasi, 43-oyat), deb aytgan.

Balo-ofatlar yog‘ilganda va vabo yetganda Qur’oni karim ko‘rsatmasi – musulmon kishi tavbasini yangilaydi, istig‘forni ko‘paytiradi, duo orqali tavba-tazarru qiladi. Masxara va xazillardan yiroq bo‘ladi. Chunki bunday holatda hazil-mutoyiba qilish qalbning qattiqlashishi va shaytonning ziynatli ko‘rsatishidandir.

Allohim! Bizga peslikdan, jinnilikdan, maxovdan va yomon dardlardan panoh ber.

Allohim! Bizdan vaboni ketkaz va yomon darddan saqla. Bizlarni vabodan va balolardan saqlagin, albatta Sen barcha narsaga qodir Zotsan!

Manba: www.arabic.uz (Anvar Ahmad)