Ronaldu Marokashga yordam ko'rsatdi
Jahon futboli yulduzi Krishtianu Ronalduga tegishli Marokash mehmonxonasi zilzila qurbonlarini tekin qabul qildi, deb xabar berdi ispaniyalik sayyoh “Canal 24 Horas” telekanaliga bergan ma'lumotida.
Jabrlanganlar boshpanasiga aylangan 38 yoshli futbolchining 4 yulduzli “Pestana CR7 Marrakech” mehmonxonasi Marokash aeroportidan besh kilometr uzoqlikda joylashgan.
“Biz Marokashning yangi hududiga borishimiz kerak edi, u erda ko'proq, aytganda, hashamatli mehmonxonalar mavjud. Endi biz chekkada joylashgan Krishtianu Ronaldu mehmonxonasini xona bilan ta'minlashga ko'ndira oldik”, - dedi Iren Seixas.
Bungacha sayyohlar mamlakatni tark etish yo'lini topish muammosiga duch kelgan. Ular samolyot chiptalarining aksariyati sotilib ketganini, qolganlari esa ming evro atrofida ekanligini payqadi.
Ma'lumot uchun, Ronaldo Pestana tarmog'i bilan birga beshta mehmonxonaga egalik qiladi. Marokash mehmonxonasida 174 ta xona bor. Shuningdek, unda fitness markazi, restoran va ochiq basseyn mavjud.
Eslatib o'tamiz, 9 sentyabr' kuni ertalab Marokashda 7,2 magnitudali zilzila sodir bo'lgan edi. Bu so'nggi 120 yildagi eng halokatlisi bo'ldi.
Ushbu ofat natijasida 2 012 kishi halok bo'ldi, yana 2059 kishi turli darajadagi og'irlikdagi jarohatlar oldi. Qutqaruv guruhlari ishi davom etmoqda. Marokash qirolligida uch kunlik milliy motam e'lon qilindi.
O'zbekiston musulmonlari idorasi
Matbuot xizmati
Registon maydonini Imom al-Moturidiy maqbarasi bilan bog‘laydigan ko‘cha rekonstruksiya qilinmoqda
Samarqandning tarixiy qismida turizm infratuzilmasini keng ko‘lamli yangilash ishlari davom etmoqda. Amalga oshirilayotgan loyihalarning asosiy maqsadi xorijiy sayyohlarning qolish muddatini uzaytirish, qulay shahar muhitini yaratish va bir vaqtning o‘zida mahalliy aholining hayot sifatini oshirishdan iborat.
“Samarkandskiy vestnik” nashriga ko‘ra, turizmni rivojlantirish dasturi doirasida eski shaharning 13 ta ko‘chasi bosqichma-bosqich zamonaviy piyodalar yo‘lagiga aylantirilmoqda. Bu yerda yangi xizmat ko‘rsatish obyektlari barpo etilmoqda, jamoat joylari obodonlashtirilmoqda, milliy me’morchilik an’analarini saqlab qolgan holda muhandislik kommunikatsiyalari va bino fasadlari yangilanmoqda.
Eng yirik loyihalardan biri Registon maydonini Imom al-Moturidiy maqbarasi bilan bog‘laydigan Buxoro ko‘chasini rekonstruksiya qilish bo‘ldi. Ko‘chaning 850 metr qismi to‘liq piyodalar hududiga aylantiriladi. Loyihani ishlab chiquvchilardan biri, Samarqand davlat texnika universiteti o‘qituvchisi Jasur Berdiqulovning ta’kidlashicha, ilgari bu yerda qatnov qismining torligi tufayli muntazam ravishda tirbandliklar yuzaga kelgan, qulay piyodalar yo‘laklarining yo‘qligi esa piyodalar uchun jiddiy noqulayliklar tug‘dirgan. Ishlar yakunlangach, ko‘cha xavfsiz jamoat maydoniga aylanadi. Aholi uchun alohida to‘xtash joyi ajratilgan bo‘lib, transport vositalarining kirishiga faqat zarurat tug‘ilganda maxsus xizmatlarga ruxsat beriladi. Shu bilan birga, suv, gaz, elektr va boshqa muhandislik tarmoqlari to‘liq modernizatsiya qilinmoqda.
Oltin asr mahallasida joylashgan Bag‘dod ko‘chasida ham ishlar davom etmoqda. Bu yerda 600 metrlik hudud obodonlashtirilmoqda. Loyiha doirasida zamonaviy turizm va xizmat ko‘rsatish infratuzilmasini yaratish, kichik biznes va xizmat ko‘rsatish sohasini rivojlantirish ko‘zda tutilgan.
O‘zbekiston musulmonlari idorasi Matbuot xizmati
