Diqqat tanlov!
Hadis ilmi maktabi koronavirus pandemiyasi sharoitida diniy-ma’rifiy ta’lim muassasasi talabalarining ta’til kunlari davomida onlayn masofaviy darslardan bo‘sh vaqtlarini mazmunli tashkil etish hamda fanlar bo‘yicha mavjud bilimlarini sinovdan o‘tkazish maqsadida Arab tili fani bo‘yicha tanlov e’lon qiladi.
Tanlov diniy-ma’rifiy ta’lim muassasasi talabalari o‘rtasida joriy yilning 13-29 aprel kunlari 3 bosqichda o‘tkaziladi.
1 bosqich. Maqolalar tanlovi.
Muddati: 13-18 aprel kunlari.
Maqolalar tanlovining mavzusi:
- Arab tili grammatikasi rivojiga munosib hissa qo‘shgan allomalar va ularning asarlarining o‘ziga xos xususiyatlari (bir alloma misolida).
2 bosich. Video va audioroliklar tanlovi.
Muddati: 20-25 aprel kunlari.
Video va audioroliklar tanlovi mavzulari:
- Ushbu sinovli kunlar davomida insonlarni hayot tarzi bo‘yicha islom dini tavsiyalari.
- Ramazon oyi fazilatlari, ro‘zaning inson jismi va ruhiy tarbiyasidagi foydalari, hayotiy hikmatlari.
3 bosqich. Onlayn test sinovi
Muddati: 27-29 aprel kunlari
Arab tili fani bo‘yicha telegram ijtimoiy tarmog‘i orqali 3 kun davomida soat 14:00 dan 15:00 ga qadar onlayn test sinov shaklida o‘tkaziladi
Tanlov shartlari to‘g‘risida to‘liq ma’lumotni telegramdagi HIM_tanlov kanaldan yoki @HIM_tanlovbot bot tarmog‘i orqali olishingiz mumkin.
# Uyda qoling, kitob o‘qing, bilimingizni sinovdan o‘tkazing!
O‘zbekiston va Indoneziya ziyorat turizmi sohasida hamkorlikni kengaytirmoqda
Turizm qo‘mitasi raisi Abdulaziz Aqqulov Indoneziya Respublikasi Haj va Umra vaziri Muhammad Irfan Yusuf bilan uchrashdi.
Uchrashuvda turistik almashinuvni kengaytirish, ziyorat turizmini rivojlantirish, to‘g‘ridan to‘g‘ri aviaqatnovlarni yo‘lga qo‘yish va turoperatorlar hamkorligini kuchaytirish masalalari muhokama qilindi.
Turistik oqimni oshirish maqsadida Toshkent–Jakarta, shuningdek, tarixiy shaharlarni to‘g‘ridan to‘g‘ri bog‘lovchi aviaqatnovlarni yo‘lga qo‘yish masalasi muhokama qilindi.
Muloqot davomida Davlat rahbari tomonidan ilgari surilgan yangi aviaqatnovlarni subsidiyalash bo‘yicha mexanizmlarni qo‘llash mumkinligi qayd etildi. Shuningdek, Indoneziyadan sayyoh jalb qilgan mahalliy turoperatorlarga har bir sayyoh uchun 100 AQSH dollari miqdorida subsidiya ajratilishi ham ta’kidlandi.
Indoneziyada har yili 2 milliondan ortiq fuqaro Haj va Umra ziyoratiga yo‘l oladi. O‘zbekistondagi 1 200 dan ziyod ziyorat maskani, jumladan, Imom Buxoriy, Imom Moturidiy, Imom Termiziy va Bahouddin Naqshband merosi Indoneziya bozori uchun muhim turistik salohiyat hisoblanadi.
Indoneziya Haj va Umra vazirining tashrifi doirasida Samarqand va Buxorodagi ziyorat maskanlari bilan tanishuv tashkil etildi. Buxoro va Samarqandni Indoneziya bozorida ziyorat turizmi yo‘nalishlari sifatida targ‘ib qilish, maxsus turlar ishlab chiqish, Haj va Umra operatorlari bilan B2B uchrashuvlar o‘tkazish bo‘yicha kelishuvlarga erishildi.
Imom Buxoriy majmuasi hududida indoneziyalik investorlar ishtirokida “Hadith Hotel” besh yulduzli mehmonxonasining ishga tushirilishi ham ikki mamlakat turizm sohasidagi hamkorlikning amaliy natijalaridan biri bo‘ldi.
To‘g‘ridan to‘g‘ri aviaqatnovlar, “Umra plyus” dasturi, turoperatorlar o‘rtasidagi hamkorlik va ziyorat turizmi infratuzilmasini rivojlantirish O‘zbekistonning Indoneziya bozoridagi mavqeini mustahkamlash hamda turistik oqimni oshirishga xizmat qiladi.
O‘zbekiston musulmonlari idorasi Matbuot xizmati