Sayt test holatida ishlamoqda!
14 Iyul, 2025   |   19 Muharram, 1447

Toshkent shahri
Tong
03:21
Quyosh
05:02
Peshin
12:34
Asr
17:40
Shom
19:59
Xufton
21:33
Bismillah
14 Iyul, 2025, 19 Muharram, 1447

Misrda Ramazon oyida jamoat uchun iftorlik o‘tkazish man etildi

05.04.2020   2535   1 min.
Misrda Ramazon oyida jamoat uchun iftorlik o‘tkazish man etildi
Arab tilidagi (https://arabicpost.net) internet nashri tarqatgan xabarga ko‘ra, Misr Vaqf ishlari vazirligi 4 aprelda mamlakatda koronavirus tarqalishiga kurash doirasida Ramazon oyida jamoat uchun iftorliklar o‘tkazishni man etishini ma’lum qilgan. 
 
Vaqf ishlari vazirligi ehson qilish niyatida bo‘lganlarni Ro‘za oyi boshlanishidan oldin ataganlarini naqd pul yoki oziq-ovqat mahsulotlari ko‘rinishida faqir va ehtiyojmandlarga tarqatishga chaqirdi. 
 
Koronavirus Misr hukumatining qator yirik loyihalari ado etilishiga ham ta’sir etmoqda. Jumladan, Misr muzeyini ochish marosimi va hukumat xizmatchilarining birinchi guruhini mamlakatning yangi poytaxtiga ko‘chirish ishlari 2021 yilga qadar kechiktirildi. 
 
Misr muzeyini ochish marosimini joriy yil davomida o‘tkazish, hukumat xizmatchilarining birinchi guruhini mamlakatning yangi poytaxtiga ko‘chirish esa iyun oyiga rejalashtirilgan edi. 
 
58 milliard AQSH dollariga teng bo‘lgan Misrning yangi poytaxti loyihasini amalga oshirish jiddiy moliyaviy qiyinchiliklarga duch keldi, xususan, ayrim investorlar loyihadan chiqib ketdi.
 
Dunyo yangiliklari
Boshqa maqolalar
Yangiliklar

Yurtga qaytgan hojilar – ezgu ishlar boshida

12.07.2025   12121   2 min.
Yurtga qaytgan hojilar – ezgu ishlar boshida

2025 yilgi Haj safarida ishtirok etgan yurtdoshlarimiz “Yangi O‘zbekistonning tinchlik va ma’naviyat targ‘ibotchilari” tashabbusi doirasida faol ish olib bormoqdalar. Ushbu tashabbus doirasidagi navbatdagi namunaviy-amaliy tadbir Farg‘ona viloyati Dang‘ara tumanida bo‘lib o‘tdi.


Tadbirda O‘zbekiston musulmonlari idorasi Farg‘ona viloyati vakili, viloyat bosh imom-xatibi Ubaydulloh domla Abdullayev ishtirok etib, tadbirga boshchilik qildi. “Sayyid Ahmadxon hoji” jome masjidida o‘tkazilgan yig‘ilishda tajribali imom-xatiblardan iborat Ishchi guruh tuzilib, ustuvor vazifalar belgilab olindi.


Ishchi guruh uch yo‘nalishda faoliyat olib bordi. Jumladan:


– Hajdan qaytgan ziyoratchilar ma’naviy-ma’rifiy tadbirlarga jalb etildi;

– 65 ta oilaga borilib, ma’naviy suhbat va amaliy yordamlar ko‘rsatildi;

– 9 ta xonadondagi ruhiy-ma’naviy qiyinchiliklar o‘rganilib, maslahatlar berildi.

– Oilaviy kelishmovchilik sababli notinch bo‘lib turgan oilalarga suhbat va nasihatlar o‘tkazildi. Natijada 2 ta arazlashgan oila yarashtirilib, 1 ta ajrimning oldi olindi;

– Sudlanganlar, jazo muddatini o‘tayotganlar hamda ularning oilalari bilan muloqot qilindi.

– Nogiron va ehtiyojmandlar holidan xabar olinib, moddiy-ma’naviy ko‘mak ko‘rsatildi.


Tumanning Taptiqsaroy mahallasida yong‘in oqibatida zarar ko‘rgan xonadonni qayta ta’mirlash ishlari homiylar va hojilar ko‘magida boshlab yuborildi. Bosh imom-xatib Ubaydulloh domla ushbu xonadonga tashrif buyurib, muloqot qildi hamda tavsiyalar berdi.


Bundan tashqari, “Doimobod” mahallasidan bo‘lgan, nogironligi bor fuqaroning uyiga ham tashrif uyushtirilib, tugallanmagan uy qurilishi uchun zarur qurilish materiallari yetkazildi.


Peshin namozidan so‘ng Ishchi guruh tarkibidagi iqtidorli imom-xatiblar jamoatga ma’ruza qilib, tinchlik, osoyishtalik va xalq farovonligi uchun duo qildilar. 

O‘zbekiston musulmonlari idorasi

Farg‘ona viloyati vakilligi
Matbuot xizmati

Yurtga qaytgan hojilar – ezgu ishlar boshida Yurtga qaytgan hojilar – ezgu ishlar boshida Yurtga qaytgan hojilar – ezgu ishlar boshida Yurtga qaytgan hojilar – ezgu ishlar boshida Yurtga qaytgan hojilar – ezgu ishlar boshida Yurtga qaytgan hojilar – ezgu ishlar boshida