Sayt test holatida ishlamoqda!
23 Iyul, 2025   |   28 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:32
Quyosh
05:10
Peshin
12:35
Asr
17:37
Shom
19:53
Xufton
21:23
Bismillah
23 Iyul, 2025, 28 Muharram, 1447
Avvalgi sayt
#search
 YouTube

Koronavirus: Farg‘onada imom-xatiblar narxlarni sun’iy ravishda oshirilishini oldini olish borasida tushuntirish ishlarini olib bormoqdalar

26.03.2020   2231   2 min.
Koronavirus: Farg‘onada imom-xatiblar narxlarni sun’iy ravishda oshirilishini oldini olish borasida tushuntirish ishlarini olib bormoqdalar

Alloh taolo Qur’oni karimning “Baqara” surasida bandariga eslatma qilib:

“Albata, Biz sizlarni bir oz qo‘rqinch va ochlik bilan, mol-mulkga, jonga mevalarga nuqson yetkazish bilan sinaymiz. Va sabrlilarga bashorat ber. Ular musibat yetganda: «Albatta, biz Allohnikimiz va, albatta, biz Unga qaytuvchimiz», derlar. Ana o‘shalarga Robbilaridan salovatlar va rahmat bor. Ana o‘shalar hidoyat topganlardir” (155-157 oyatlar) degan.

Yaratgan Robbimiz bugun bizga ana shunday sinovlardan birini yuborgan holda bizni sinamoqda. Butun dunyo bo‘ylab tarqalayotgan koronavirus infeksiyasi bizni ham chetlab o‘tmadi. Bunday sinovlar bizni sabrga, hamjihatlikka hamda istig‘foru duolarni orttirib, Allohga yaqin bo‘lishga, bir so‘z bilan aytganda, savobli amallarimizni ko‘paytirishga targ‘ib etadi. Zero, Payg‘ambarimiz alayhissalom hadisi shariflarining birida: “Musulmon musulmonning birodaridir. U unga zulm ham qilmaydi va tashlab ham qo‘ymaydi. Kim o‘z birodarining hojatini chiqarsa, Alloh uning hojatini chiqaradi. Kim bir musulmonni g‘amdan forig‘ qilsa, Alloh undan qiyomat kunining g‘amlaridan bir g‘amni forig‘ qiladi. Kim musulmonning aybini berkitsa, Alloh qiyomat kuni uning aybini berkitadi”, deya marhamat qilganlar.

Dinimizning bu kabi ko‘rsatmalaridan kelib chiqqan holda imom-xatiblarimiz joylarda aholi orasida tushuntirish ishlarini olib bormoqdalar. Jumladan, ushbu sinovli kunlarda tadbirkorlar tomonidan narx-navolarni oshirib yubormaslik, xalqimiz esa sarosimaga tushmay bu Allohning sinovi-imtihoni ekanini his qilib, hamjihatlik ila sinovlarni yengishga da’vat etmoqdalar.

Qayd etish lozimki, xalqning boshiga kelgan sinovli kunlarda himmati va saxovatpeshaligi bilan o‘rnak bo‘layotgan vatandoshlarimiz ham talaygina. Imom-xatiblarimiz joylarda saxovatli kishilar bilan ham uchrashib, ularning haqiga duo qildilar.

Shuningdek, targ‘ibot ishlari davomida aholiga mutasaddilar tomonidan berilayotgan ko‘rsatmalarga amal qilish, zarurat bo‘lmagan taqdirda ko‘chaga chiqmaslik lozimligi haqida ham keng qamrovli tushuntirish ishlari olib bormoqdalar.

 

 

Rahmatulloh JALILOV,
O‘MI Farg‘ona viloyati vakilligi xodimi

O'zbekiston yangiliklari
Boshqa maqolalar

Shayx Alijon qorining singlisi vafoti munosabati bilan ta’ziya

21.07.2025   7258   2 min.
Shayx Alijon qorining singlisi vafoti munosabati bilan ta’ziya

"AlQuran.uz" portali rahbari, O‘zbekiston musulmonlari idorasi "Qur’on va tajvidni o‘rgatish" bo‘limi boshlig‘i Ustoz Shayx Alijon qori Fayzulloh Maxdumning singlisi, "AlQuran.uz" portali xodimi Abdulloh qori Fayzulloh Maxdumning opasi, shuningdek, "AlQuran.uz" ilmiy xodimi Abdusamad qorining zavjalari vafoti munosabati bilan marhumaning yaqinlariga ta’ziya bildiramiz.

Marhuma al-Azhar universiteti talabasi bo‘lib, Osim qiroatining  Hafs va Shu’ba rivoyatlari hamda "al-Muqaddima al-jazariyya", "Tuhfatul-atfol" va "al-Arba’iyn an-nabaviyya" kabi ko‘plab asarlar bo‘yicha ijoza sohibasi sifatida 20 yildan beri Qur’onga xizmat qilib kelayotgan edi. Xususan, Qur’on ta’limi yo‘lida samarali mehnat qilib, ko‘plab shogirdlarni yetishtirdi.

Shuningdek, "AlQuran" mobil ilovasidagi "Al-Fatiha online" dasturining uztozalaridan bo‘lib, ko‘plab ayollarning qiroatini to‘g‘rilashga o‘z hissasini qo‘shganini alohida e’tirof etish lozim.

Turmush o‘rtog‘i Abdusamad qori bilan birga uch nafar qiz farzandni tarbiyalab, barchalarini hofizi Qur’on qilib yetishtirdi.

Uzoq vaqt og‘ir dard bilan kurashganiga qaramay, Qur’on xizmatida bardavom bo‘ldi. Bemorlik mashaqqatlariga sabr qilib, Allohdan savob umidida ilm tarqatishdan to‘xtamadi. Shubhasiz, bu go‘zal xotima, ya’ni shahidlikning bir belgisi. Zero, hadisi sharifda bunday deyilgan: "Kim bemor holatda vafot etsa, shahid holda vafot etadi, qabr fitnasidan saqlanadi va ertayu kech jannatdan rizqi kelib turadi" (Ibn Moja rahimhulloh rivoyati).

"Muslim.uz" portali marhumaning akasi Ustoz Shayx Alijon qori Fayzulloh Maxdum va ukasi Abdulloh qori Fayzulloh Maxdumga, shuningdek, turmush o‘rtog‘i Abdusamad qori va barcha oila a’zolariga hamdardlik bildiradi.

Alloh taolo marhumaning Qur’on yo‘lida qilgan xizmatlarini qabul aylab, Barzax hayotida va oxiratda Qur’oni karim shafoati bilan mukofotlasin! Qur’on bilan jannatdagi darajalarini yuksak qilsin! Bemorlikda chekkan mashaqqatlari jannatdagi martabasining baland bo‘lishiga sababchi bo‘lsin!

Janoza marosimi ertaga seshanba 22 iyul kuni asr namozida, soat 17:45 da Ustoz Shayx Alijon qorining Jizzax viloyati G‘allaorol tumani Boylarovul qishlog‘idagi xonadonida bo‘lib o‘tadi.

Alloh taolo musibat ahliga sabri jamil ato qilsin! Qazo va qadarga rozi bo‘lishlarida Allohning o‘zi madadkor bo‘lsin!

Marhumaga quyidagi hadisda zikr qilingan ulug‘ darajalarni tilaymiz: "Qur’on sohibiga o‘qi va ko‘taril va  dunyoda tartil qilganing kabi tartil qil. Albatta, sening manziling oxirgi o‘qigan oyatingdadir", deyiladi" (Abu Dovud, Termiziy va Nasoiy rahimahulloh rivoyati).